યુનિફોર્મ સિવિલ કોડને લઈને દેશમાં રાજકીય પારો ઊંચકાયો છે. કેન્દ્ર સરકાર ચોમાસુ સત્ર દરમિયાન સંસદમાં સમાન નાગરિક સંહિતા રજૂ કરે તેવી શક્યતા છે. આ અંગે વિવિધ પક્ષો તરફથી પ્રતિક્રિયા આવી રહી છે. હવે બસપા ચીફ માયાવતીએ પણ લખનૌમાં નિવેદન જારી કરીને આ અંગે પાર્ટીનો પક્ષ રાખ્યો છે.

બીએસપીના વડાએ કહ્યું, "અમારો પક્ષ UCCનો વિરોધ નથી. પરંતુ તેને બળજબરીથી લાદવાની જોગવાઈ બાબા સાહેબ ભીમ રાવ આંબેડકરના બંધારણમાં સમાવિષ્ટ નથી. આ માટે જાગૃતિ અને સર્વસંમતિને શ્રેષ્ઠ માનવામાં આવી છે. આ સમયે જે રાજનીતિ કરવામાં આવી રહી છે તે દેશના હિતમાં યોગ્ય નથી.

આ પહેલા આપ આ બીલ માટે પોતાની સહમતી દર્શાવી ચુક્યું છે. આ ઉપરાંત મહારાષ્ટ્રની ઉદ્ધવ ઠાકરેની શિવસેના પણ પોતાનું સમર્થન આપી શકે છે.