રામનવમી નિમિત્તે કાઢવામાં આવેલી વિશાળ શોભાયાત્રા સમયે ઓખાના ગાંધીનગર વિસ્તારમાં ઝંડા ફરકાવા બાબતે હિન્દુ અને મુસ્લિમો સામસામે આવી જતા મામલો તંગ બન્યો હતો સ્થાનિક આગેવાનો અને પોલીસની સમય સૂચકતાથી થોડીક ક્ષણોમાં મામલો થાળે પડી જતા પોલીસે રાહતનો શ્વાસ લીધો હતો.


ઓખા ખાતે દર વર્ષની જેમ આ વર્ષે પણ રામનવમીની ભવ્ય શોભાયાત્રા નું આયોજન કરવામાં આવ્યું હતું આયોજન પૂર્વે ઓખા પોલીસ દ્વારા શાંતિ સલામતીની બેઠક પણ યોજવામાં આવી હતી અને શોભાયાત્રામાં જડબેસલાડ પોલીસ બંદોબસ્ત પણ ગોઠવવામાં આવ્યો હતો આમ છતાં પણ આવો બનાવ બનતા થોડા સમય માટે શોભાયાત્રામાં નાશભાગ મચી જવા પામી હતી.

​​​​​​​
સમગ્ર બનાવની જિલ્લા પોલીસ વડા નિતેશ પાંડે ને જાણ થતા જ એલસીબી એસઓજી સહિત પોલીસના ધાડા ઉતારી દેવામાં આવ્યા હતા વધુ કઈ બનાવ ના બને તે માટે આખી રાત પોલીસ દ્વારા સધન પેટ્રોલિંગ કરવામાં આવેલ છે.