જો ઘરમાં થોડો ખોરાક બચે છે, તો સામાન્ય રીતે લોકો તેને પ્લાસ્ટિકના બોક્સ અથવા કન્ટેનરમાં ભરીને ફ્રિજમાં સંગ્રહિત કરે છે. આ લગભગ તમામ ઘરોમાં કરવામાં આવે છે. જો કે, તેની ખતરનાક આડઅસર થઈ શકે છે. પ્લાસ્ટિક આપણા જીવનનો મહત્વનો ભાગ બની ગયો છે. ફૂડ સ્ટોરેજ કન્ટેનર માટે ઉપયોગમાં લેવાતા મોટાભાગના વાસણો પ્લાસ્ટિકના બનેલા હોય છે. પ્લાસ્ટિકના વાસણો ભલે તમને અનુકૂળ લાગે પરંતુ શરીરને નુકસાન પહોંચાડનારી ઘણી વસ્તુઓ તેની સાથે જોડાયેલી છે.

નિષ્ણાતો એમ પણ કહે છે કે લોકોએ પ્લાસ્ટિકના વાસણોનો ઉપયોગ ટાળવો જોઈએ. એટલું જ નહીં પરંતુ બચેલો ખોરાક પ્લાસ્ટિકના વાસણોમાં સંગ્રહિત ન કરવો જોઈએ અને તેમાં ખોરાક રાખીને તેને ગરમ પણ ન કરવો જોઈએ. તેનું કારણ એ છે કે તેની શરીર પર ખરાબ અસર પડે છે. નિષ્ણાંતો એ હકીકતને લઈને ચિંતિત છે કે પ્લાસ્ટિકના ડબ્બામાં બચેલો ખોરાક રાખવાની પ્રથા ઘણી વધારે છે. વળી, લોકોને તેના કારણે થતા નુકસાનની પણ ખબર નથી.

નિષ્ણાતોએ જણાવ્યું કે પ્લાસ્ટિકના વાસણો શરીરને નુકસાન પહોંચાડે છે. તેમનું કહેવું છે કે લોકોએ તેનો ઉપયોગ ટાળવો જોઈએ. જ્યારે પ્લાસ્ટિકના કન્ટેનરમાં ખોરાકને ગરમ કરવામાં આવે છે અથવા ચોક્કસ પ્રકારનો ખોરાક તેમાં રાખવામાં આવે છે, ત્યારે તે એક પ્રકારનું રસાયણ છોડે છે, જે આપણા સ્વાસ્થ્યને નુકસાન પહોંચાડે છે. પ્લાસ્ટિકના કારણે થતા કેન્સર જેવા અન્ય રોગો વિશે લોકો પહેલાથી જ જાણે છે.

હવે સવાલ એ ઊભો થાય છે કે જો આપણે પ્લાસ્ટિકના કન્ટેનરનો ઉપયોગ કરવો હોય તો તેનો ઉપયોગ શેના માટે કરવો. નિષ્ણાતો સૂચવે છે કે જો કોઈ વ્યક્તિ પ્લાસ્ટિકના કન્ટેનરનો ઉપયોગ કરવા માંગે છે, તો તેણે ખાસ પ્રકારના પ્લાસ્ટિકનો ઉપયોગ કરવો જોઈએ. જેમ કે પોલિઇથિલિન ટેરેફ્થાલેટ (PET)ના બનેલા કન્ટેનર. પીઈટીથી બનેલા કન્ટેનર સામાન્ય પ્લાસ્ટિકથી અલગ હોય છે. તેમની શરીર પર કોઈ આડઅસર પણ નથી.

આ ઉપરાંત ખોરાકને થોડા સમય માટે સ્ટોર કરવા માટે ધાતુના કોઈ પણ કન્ટેનરમાં રાખી શકાય છે. કાચના વાસણમાં પણ ખોરાક રાખી શકાય છે.