મુંબઈ એરપોર્ટ કસ્ટમ્સે બે અલગ-અલગ કેસમાં રૂ. 31.29 કરોડની કિંમતનું 4.47 કિલો હેરોઇન અને રૂ.15.96 કરોડની કિંમતનું 1.596 કિલો કોકેન જપ્ત કર્યું છે. હેરોઈન દસ્તાવેજોના ફોલ્ડર કવરમાં છુપાયેલું હતું જ્યારે કોકેઈન કાપડના બટનમાં છુપાવવામાં આવ્યું હતું. તેનો વીડિયો પણ હવે સામે આવ્યો છે. અગાઉ કસ્ટમ વિભાગે મુંબઈથી દુબઈ જઈ રહેલા એક ભારતીય પરિવારને મુંબઈ એરપોર્ટ પરથી પકડી પાડ્યો હતો.

અગાઉ, કસ્ટમ વિભાગે મુંબઈથી દુબઈ જતા ભારતીય પરિવારને પકડ્યો હતો, જેની પાસેથી 4.1 કરોડ રૂપિયાના યુએસ ડોલર મળ્યા હતા. મુંબઈ એરપોર્ટ કસ્ટમ વિભાગે બાતમીના આધારે મુંબઈથી દુબઈ જઈ રહેલા ભારતીય પરિવારને પકડી પાડ્યો હતો. સૂત્રોએ જણાવ્યું કે મુંબઈ એર ઈન્ટેલિજન્સ યુનિટ (MAIU)ને ગુપ્ત માહિતી મળી હતી. જેના આધારે કસ્ટમ સાથે સંયુક્ત ઓપરેશન કરી દુબઈ જતા પરિવારના 3 સભ્યોને અટકાવી તલાશી લેવામાં આવી હતી. એજન્સીઓને તેની પાસેથી 4.91 લાખ યુએસ ડોલર મળ્યા હતા. જેની ભારતીય ચલણમાં કિંમત અંદાજે 4.1 કરોડ રૂપિયા આંકવામાં આવી હતી.

કસ્ટમ વિભાગના સૂત્રોએ જણાવ્યું કે મુસાફરો દુબઈની ફ્લાઈટ નંબર FZ 446 દ્વારા મુંબઈથી દુબઈ જવાના હતા. ત્યારબાદ તેને બોર્ડિંગ દરમિયાન અટકાવવામાં આવ્યો હતો. એક અધિકારીએ જણાવ્યું કે પરિવારમાં બે વડીલો અને એક યુવક મુસાફરી કરી રહ્યા હતા.