બાહુબલી બાદ પ્રભાસની સાલારે વિશ્વભરમાં ધૂમ મચાવી અને દર્શકોની અપેક્ષા પર આ ફિલ્મ ખરી ઉતરી. ત્યારે સાઉથના સુપરસ્ટાર પ્રભાસ ફરી એક વખત ગર્જના કરવાની તૈયારીમાં છે. જીહા, એક અહેવાલ પ્રમાણે તે ડિરેકટર મારુતિની આગામી ફિલ્મમાં જોવા મળશે અને આ ફિલ્મમાં પ્રભાસને નવા જ અવતારમાં રજૂ કરવામાં આવશે.
​​​​​​​

કહેવાય છે કે પ્રભાસનો આ નવો અવતાર ચોંકાવી મૂકે તેવો હશે. આપને જણાવી દઇએ કે શુક્રવારે નિર્દેશક મારુતિએ સોશિયલ મીડિયા પર એક પોસ્ટ શેર કરી હતી. જેમાં તેમણે પ્રભાસને નવા જ અવતારમાં રજૂ કરવામાં આવશે તેમ કહી પ્રભાસના નવા અવતાર માટે તે પોસ્ટમાં પોટ્રેટ પણ શેર કર્યું હતું. જો કે પ્રભાસનું આ પોટ્રેટ પ્રી-લૂક પોસ્ટરના સ્વરૂપમાં ચીડવવા માટે શેર કરવામાં આવ્યું છે.
​​​​​​​

નિર્દેશક મારુતિએ સોશિયલ મીડિયા પર તેમના પ્રોજેક્ટ અંગેની માહિતી શેર કરતી વેળા ખુશી પણ વ્યક્ત કરી હતી. સાથે જ તેઓ આ માટે લાંબા સમયથી રાહ જોઇ રહ્યા હતા તેમ પણ જણાવ્યું હતું. જો કે પ્રભાસ અભિનીત આગામી ફિલ્મ વિશે કોઈ નક્કર માહિતી આપવામાં આવી નથી.