ભારતનો સમગ્ર વિશ્વમાં ડંકો, ચંદ્રયાન-3 સફળતાપૂર્વક લેન્ડ થઇ ચુક્યું છે, ISROના વડા એસ સોમનાથે ચંદ્ર પર ચંદ્રયાન-3ના સફળ સોફ્ટ લેન્ડિંગ વિષે માહિતી આપતા કહ્યું છે કે, કે ભારત હવે ચંદ્રના દક્ષિણ ધ્રુવ પર છે.

ઈસરોએ ટ્વીટ કર્યું કે ચંદ્રયાન-3 મિશન તેના ગંતવ્ય પર પહોંચી ગયું છે. ચંદ્રયાન-3 સફળ રહ્યું, ચંદ્ર પર સફળ ઉતરાણ માટે સમગ્ર રાષ્ટ્રને અભિનંદન. ચંદ્રયાન-3 એ ચંદ્રના દક્ષિણ ધ્રુવ પર સફળતાપૂર્વક ઉતરાણ કરતા જ દેશભરમાં ઉજવણી શરૂ થઈ ગઈ છે.


વડાપ્રધાન નરેન્દ્ર મોદી દક્ષિણ આફ્રિકાથી ISRO કેન્દ્રમાં જોડાયા છે. પીએમ મોદી ચંદ્રયાન 3ની લેન્ડિંગ પ્રક્રિયા પર નજર રાખી છે. PM મોદી બ્રિક્સ સમિટમાં ભાગ લેવા જોહાનિસબર્ગમાં છે. પીએમ મોદીએ ચંદ્રયાનના સફળતાપૂર્વક ઉતરાણ પર કહ્યું કે ચંદ્રયાન-3નું ચંદ્ર પર સફળ સોફ્ટ લેન્ડિંગ ઐતિહાસિક છે. આ ક્ષણ ભારતની અને લોકોની છે.