રાજકોટના ગોંડલ માર્કેટિંગ યાર્ડમાં આજે અચાનક આગ લાગવાની ઘટના બની છે. બપોરના સમયે યાર્ડમાં રાખેલા મરચાની ભારીમાં આગ લાગતા વેપારીઓ અને ખેડૂતો ભારે પરેશાન થયા હતા.


સૂત્રો મુજબ લાગેલી આગથી કરોડોનું નુકશાન થયું હોવાની ભીતિ છે. જો કે હજુ આગ લાગવાનું કારણ અકબંધ છે. ઘટનાના પગલે ફાયર વિભાગની ટીમે તાત્કાલિક ઘટના સ્થળે પહોચી પરિસ્થિતિ કાબુમાં લીધી હતી.
​​​​​​​
 

નોંધનીય છે કે, હાલ મસાલાની સીઝન ચાલી રહી હોય માર્કેટિંગ યાર્ડમાં મોટા પ્રમાણમાં મરચાનો જથ્થો રાખવામાં આવ્યો હતો. જેમાં એકાએક આગ ભભૂકી ઉઠતા ખેડૂતોમાં અફરાતફરી મચી જવા પામી હતી. ત્યાં રાખવામાં આવેલી કુલ મરચાની ભારીઓ માંથી અંદાજે 2500 જેટલી ભારીઓ આગમાં બળીને ખાખ થઇ ગઇ છે.