દેશભરમાં ગાત્રો થીજાવતી ઠંડી પડી રહી છે. ગરીબ, નિરાધાર, વૃદ્ધો અને જરૂરિયાતમંદો માટે આ મુશ્કેલ સમય છે. જ્યારે હાડ થીજાવતી ઠંડી હોય અને શરીર પર ગરમ વસ્ત્રો પણ ન હોય અને રાત્રે શરીર ઢાંકવા માટે ધાબળો ન હોય ત્યારે સ્થિતિ વધુ વિકટ બની જાય છે. આવી સ્થિતિમાં ગરીબ અને લાચાર લોકો પોતાની વ્યવસ્થા કેવી કેવી રીતે કરે છે તે તો તેમનું મન જાણે છે.

આવો જ એક કિસ્સો કાનપુરના કોહના પોલીસ સ્ટેશન વિસ્તારમાં સામે આવ્યો છે. અહીં, જ્યારે એક વૃદ્ધ વ્યક્તિને ઠંડીથી બચાવવા માટે કોઈ ઉપાય ન મળ્યો, ત્યારે વૃદ્ધા સ્મશાન પહોંચ્યા અને ભૈરવઘાટમાં સળગતી ચિતા પાસે સૂઈ ગયા. કોઈએ આનો વીડિયો બનાવીને સોશિયલ મીડિયા પર પોસ્ટ કરી દીધો છે, જે બાદ આ વિડીયો હાલ ખૂબ જ વાયરલ થઇ રહ્યો છે. વીડિયો જોયા બાદ લોકો વિવિધ પ્રકારની પ્રતિક્રિયાઓ આપી રહ્યા છે.