રાજકોટના ધોરાજીમા એક ચોંકાવનારી ઘટના સામે આવી છે. આજરોજ ધોરાજી પાસે ટ્રેનમા કપાઈ ગયેલ અજાણ્યા યુવકનો મૃતદેહ મળી આવ્યો હતો. પરંતુ ચોંકાવનારી બાબત એ છે કે યુવકનો મૃતદેહ ત્રણ કલાક સુધી લાવારિસની જેમ રખડતો રહ્યો, જવાબદાર તંત્રના અધિકારીઓ સ્થળ સુધી પણ ન પહોંચ્યા.

મળતી વિગતો અનુસાર, સોમનાથ થી પોરબંદર જતી ટ્રેનમા ધોરાજીના નાભીરાજ સોસાયટી પાસે ટ્રેનની અડફેટે આવી જતા અજાણ્યા યુવકનું કમકમાટી ભર્યુ મોત નિપજ્યું છે.

સૂત્રો અનુસાર આ ઘટના છ વાગ્યા આસપાસ બની હતી પણ અઢી થી ત્રણ કલાક સુધી જવાબદાર તંત્રના એક પણ અધિકારીએ ઘટનાનો ગંભીરતા સમજવા છતાં પહોંચ્યા જ નહિ. 

સ્થાનિક લોકોએ કુતરા કે અન્ય પ્રાણીઓ મૃદેહને વિખેરે નહિ એ માટે કલાકો સુધી ઘટના સ્થળે મૃતદેહ ની દેખરેખ રાખતા રહ્યા.

ટ્રેનની અડફેટે યુવક આવી ગયાના સમાચાર મળતાં જ સ્થાનિકો ઘટના સ્થળે ઉમટી પડ્યા હતા. અંતે રાતના સમયે યુવાનના મૃતદેહને  રેલવે પોલીસ દ્વવારા કબ્જો લઈ કાયદેસર ની કાર્યવાહી કરવામાં આવી છે.