જામનગર મહાનગરપાલિકાની મિલકત વેરા શાખા દ્વારા બાકી રોકાતો મિલકત વેરો વસૂલવા માટે જુદી જુદી ચાર ટીમોને દોડતી કરાવાઇ છે અને ગઈકાલના એક જ દિવસમાં વધુ ૧૨૭ આસામીઓ પાસેથી રૂ.૩૫.૩૭ લાખનો બાકી રોકાતો વેરો સ્થળ પરજ વસુલ કરી લેવામાં આવ્યો છે, જ્યારે મિલકત વેરો નહીં ભરનારા બે આસામીઓની મિલકત સીલ કરાઈ છે.


જામનગર મહાનગરપાલિકાની મિલકત વેરા શાખાની જુદી-જુદી ટીમો દ્વારા ગઈકાલે સૌપ્રથમ વોર્ડ નં.૧ માં ૨ આસામીઓ પાસેથી રૂ.૧૫,૬૫૩ની વસુલાત કરાઈ છે. વોર્ડ નં.૨ માં બાર આસામીઓ પાસેથી રૂ.૪,૨૬,૯૮૮, વોર્ડ નં.૩ માં ૧૦ આસામીઓ પાસેથી રૂ.૧,૭૩,૯૦૧, વોર્ડ નં.૪ માં ૬ આસામીઓ પાસેથી રૂ.૧,૩૧,૫૯૧, વોર્ડ નં.૫ માં ૧૦ આસામીઓ પાસેથી રૂ.૩,૪૯,૩૩૨ની રકમ વસુલ કરાઈ છે.


આ ઉપરાંત વોર્ડ નં.૬ માં ૯ આસામીઓ પાસેથી રૂ.૧,૨૨,૫૨૧, વોર્ડ નં.૭ માં ૨ આસામી પાસેથી રૂ.૪૮,૯૩૧, વોર્ડ નં.૮ માં આઠ આસામીઓ પાસેથી રૂ.૨,૫૯,૬૯૧, વોર્ડ નં.૯ માં ૪  આસામીઓ પાસેથી રૂ.૬૩,૭૧૪, વોર્ડ નં.૧૦ માં દશ આસામીઓ પાસેથી રૂ.૨,૬૪,૬૬૮, વોર્ડ નં.૧૧ માં ચાર આસામીઓ પાસેથી રૂ.૬૬,૯૮૧ ની રકમ વસુલાઈ છે.


તેમજ વોર્ડ નં.૧૨ માં ૬ આસામીઓ પાસેથી રૂ.૧,૧૩,૦૨૫, વોર્ડ નં.૧૩ માં ૧૧ આસામીઓ પાસેથી રૂ.૩,૦૨,૬૫૩, વોર્ડ નં.૧૪ માં ૧ આસામી પાસેથી રૂ.૩૬,૪૭૮, વોર્ડ નં.૧૫ માં ૩ આસામીઓ પાસેથી રૂ.૮૦,૩૧૫, વોર્ડ નં.૧૬ માં ૩ આસામીઓ પાસેથી રૂ.૭૬,૬૫૦, વોર્ડ નં.૧૭ માં ૨૦ આસામીઓ પાસેથી રૂ.૩,૧૫,૭૯૫, વોર્ડ નં.૧૮ માં ૪ આસામીઓ પાસેથી રૂ.૫,૬૮,૪૭૦ અને વોર્ડ નં.૧૯ માં ૭ આસામીઓ પાસેથી રૂ.૧,૧૯,૬૬૮ સહિત કુલ-૧૩૨ આસામીઓ પાસેથી કુલ રૂ.૩૫,૩૭,૦૨૫ની વસુલાત કરવામાં આવી છે. આ ઉપરાંત વોર્ડ નં.૬ માં ર બે મિલ્કતઘારકોએ  રૂ.૩૯,૮૦૪ની બાકી વેરાની રકમ ભરપાઈ કરી ન હોવાથી તે બન્ને આસામીઓની મિલ્કત જપ્ત કરી લેવામાં આવી છે.