જામનગરના ગુલાબનગર વિસ્તારમાં એક ચાની હોટલ પાસે ઇકો કાર પાર્ક કરવા બાબતે તકરાર થઈ હતી, અને એક મહિલા સહિતના ત્રણ શખ્સોએ કાર ચાલક પર છરી ધોકા વડે હુમલો કર્યાની પોલીસમાં ફરિયાદ નોંધાવાઇ છે.
​​​​​​​
 જામનગરમાં ગુલાબનગર વિસ્તારમાં રહેતા અને ડ્રાઇવિંગ કામ કરતા ગોવિંદભાઈ કાનજીભાઈ સોઢા નામના ૩૪ વર્ષના યુવાને પોતાના પર છરી- ધોકા વાડે હુમલો કરી ઇજા પહોંચાડવા અંગે કિરીટભાઈ, ચિન્ટુ તથા એક અજ્ઞાત મહિલા સામે ફરિયાદ નોંધાવી છે.
 પોલીસ ફરિયાદમાં જાહેર કરાયા અનુસાર ફરીયાદી ઇકો લઇને નાસ્તાની રેકડી પાસે ઇકો પાર્ક કરતા હતા આથી આરોપી કિરીટે ગાડી પાર્ક કરવાની મનાઇ કરી હતી આથી ફરીયાદીએ ચા પીને થોડીવારમાં ગાડી લઇ લઉં છુ તેમ કહેતા આા મુદ્દે ઉપરોક્ત આરોપીને બોલાવ્યા થયા પછી છરી, ધોકા વડે હુમલો કરી દેવાતાં જામનગરની જીજી હોસ્પિટલમાં સારવાર માટે ખસેડાયો હતો.