ઉનાળાની શરૂઆતની સાથે જ ઠંડા પીણાની દુકાનમાં લોકોની દોટ લાગે છે. ખાસ કરીને અત્યારે શેરડીનો રસ, લીંબુ પાણી કે શરબત અને અન્ય ઠંડા પીણાનું વેંચાણ વધુ થતું હોય છે. ત્યારે રાજકોટ મનપાની ફૂડ વિભાગની ટીમ દ્વારા મોટા પ્રમાણમાં દરોડા પાડી ચેકીંગ હાથ ધરવામાં આવ્યું હતું. શેરડીનાં રસનાં ચિચોડામાં ફૂડ શાખામાં ચેકીંગ હાથ ધરવામાં આવ્યું હતું. શેરડીના રસમાં અખાદ્ય બરફને લઈને પણ ચકાસણી કરવામાં આવી હતી. સાથે જ શેરડીના રસમાં હાઈજીનનાં ધારાધોરણનું પાલન થાય છે કે કેમ એ અંગે પણ ટીમ દ્વારા ચકાસણી કરાઈ હતી. શહેરમાં આજે આરોગ્ય વિભાગની ટીમ દ્વારા સહકાર રોડ ઉપર આવેલા ચિચોડા પર દરોડા પાડવામાં આવ્યા હતા.