કાલાવડના કાલમેઘડા-મોરીદડ રોડ પર યુટીલીટી ગાડીના ચાલકે જોરથી હોર્ન વગાડતા સાઇડ આપવામાં મોડું થતા બબાલ થઇ હતી, દરમ્યાનમાં આરોપીએ યુવતિને ઢીકાપાટુનો માર મારી, નિર્લજજ મશ્કરી કરી ધમકી દીધાની ફરીયાદ દાખલ થઇ છે.


કાલાવડ તાલુકાના કાલમેઘડા ગામમાં રહેતી યુવતિ તથા તેમના બહેન બંને વાડીએથી ઘરે જતા હતા, ત્યારે મોરીદડના રસ્તે તળાવ પાસે પહોંચતા આરોપીઓ પોતાની યુટીલીટી ગાડી લઇ સામેથી આવતા હોય આથી ફરીયાદી યુવતિને જોઇને આરોપી દેવાએ જોરથી ગાડીનું હોર્ન વગાડયું હતું.


દરમ્યાનમાં ફરીયાદીને સાઇડમાં જવામાં મોડું થતા આરોપીઓએ બંને યુવતિઓને અપશબ્દો બોલી, ઢીકાપાટુનો માર મારી, નિર્લજજ મશ્કરી કરી, જાનથી મારી નાખવાની ધમકી દીધી હતી.


આ અંગે યુવતિ દ્વારા કાલાવડ ગ્રામ્ય પોલીસમાં કાલમેઘડા ગામમાં રહેતા દેવા કાળુ મકવાણા, કાળુ ચના મકવાણા અને જયશ્રીબેન કાળુ મકવાણા ત્રણેયની વિરુઘ્ધ આઇપીસી કલમ ૩૫૪, ૩૨૩, ૫૦૪, ૫૦૬(૨) તથા ૧૧૪ મુજબ  ફરીયાદ નોંધાવતા પોલીસ દ્વારા આગળની કાર્યવાહી હાથ ધરવામાં આવી હતી.
​​​​​​​