aajkaal@team

ફરીયાદીએ પોતાના પેટ્રોલપંપના લે-આઉટ પ્લાન મંજુર કરવા બોટાદ નગર નિયોજકની કચેરી ખાતે અરજી કરેલ જે લે-આઉટ પ્લાન અપ્રુવ કરવાના બદલામાં વિસ્તાર વિકાસ સત્તા મંડળ અને ઇન્ચાર્જ નગર નિયોજક દ્વારા રૂપિયા ૧૦,૦૦૦ ની લાંચ માંગવામાં આવી દરમિયાન માં એન્જીનિયરીંગ કન્સલ્ટન્ટ મારફત શિવશક્તિ પેટ્રોલપંપ, પાળીયાદ-રાણપુર હાઇવે, રાજપરા તા.રાણપુર જિ.બોટાદ ખાતે લાંચ લેતા એસિબી ની ટ્રેપ માં ઝડપાયા હતા

આ બનાવની જાણવા મળતી વિગત મુજબ ફરીયાદીએ પોતાના પેટ્રોલપંપના લે-આઉટ પ્લાન મંજુર કરવા બોટાદ નગર નિયોજકની કચેરી ખાતે અરજી કરેલ જે લે-આઉટ પ્લાન અપ્રુવ કરવાના બદલામાં ડાયાભાઇ ખોડાભાઇ ભુવા ઉવ.૫૭  (ઈ.ચા નિયોજક બોટાદ)એ પ્રકાશભાઈ અશોકભાઈ ચૌહાણ ઉં.વ.-૩૨ મારફતે ફરીયાદી પાસે રૂ.૧૦,૦૦૦ ની લાંચની માંગણી કરેલ હોય જે લાંચના નાણાં ફરીયાદી આપવા માંગતા ન હોય જેથી ફરીયાદીએ એ.સી.બી.નો સંપર્ક કરતા, લાંચના છટકાનુ આયોજન કરતા પ્રકાશભાઈ અશોકભાઈ ચૌહાણ એ સ્થળ પર ડાયાભાઇ ખોડાભાઇ ભુવા વતી લાંચના નાણા રૂ.૧૦,૦૦૦ સ્વીકારી પ્રકાશભાઈએ ડાયાભાઇ ખોડાભાઇ ભુવા સાથે પોતાના ફોનથી હેતુલક્ષી વાતચીત કરી એકબીજાની મદદગારી કરી બન્ને શખ્સોને ઝડપી લીધા હતા 

આ કાર્યવાહીમાં ટ્રેપ કરનાર અધિકારી આર.ડી.સગર,પોલીસ ઇન્સ્પેક્ટર, 

બોટાદ એ.સી.બી. પો.સ્ટે.,તથા ટીમ સુપર વિઝન અધિકારી બી.એલ.દેસાઇ, ઇ.ચા.મદદનીશ નિયામક, એ.સી.બી.ભાવનગર એકમ,જોડાયા હતા વઘુ તપાસ એ.સી.બી.ભાવનગર ચલાવી રહ્યા છે.