લખનૌ - રેવન્યુ ઈન્ટેલિજન્સ ડિરેક્ટોરેટના લખનૌ યુનિટે ચૌધરી ચરણ સિંહ ઈન્ટરનેશનલ એરપોર્ટ પર સોનાની દાણચોરી કરતા 6 લોકોની ધરપકડ કરી છે. આ 6 લોકો પાસે ત્રણ કિલો વિદેશી મૂળની તસ્કરી કરાયેલ સોનું જપ્ત કરવામાં આવ્યું છે.

પકડાયેલા આરોપીઓમાં બે મુસાફરો ઉપરાંત બે ગ્રાઉન્ડ સ્ટાફ, એક માસ્ટરમાઇન્ડ અને અન્ય એક વ્યક્તિ સામેલ છે. જપ્ત કરાયેલા સોનાની કિંમત 2 લાખ 13 હજાર યુએસ ડોલર આંકવામાં આવી છે. ડીઆરઆઈ અધિકારીઓએ જણાવ્યું કે, આ લોકો પાસેથી સોનું અને વિદેશી ચલણ સહિત અંદાજે 3.96 કરોડ રૂપિયા જપ્ત કરવામાં આવ્યા છે. દાણચોરી સિન્ડિકેટના તમામ છ આરોપીઓની કસ્ટમ્સ એક્ટ 1962ની કલમો હેઠળ ધરપકડ કરવામાં આવી છે.