દૂધ અને ઘીના ભાવમાં ટૂંકાગાળામાં ભારે વધારો થતાં અચ્છે દિન પૂરે હોય ગયે જેવું લાગી રહ્યું છે. ગરીબ વર્ગ માટે ઘી હવે દીવાસ્વપ્ન બનતું જાય છે. પહેલેથી જ મોંઘવારીએ માઝા મુકી છે ત્યાં જીવનજરૂરિયાતની ચીજવસ્તુ ગણાતા દૂધ – ઘીના ભાવોમાં વધારો કરતાં પડતા પર પાટુ પડ્યા જેવી સ્થિતિ સર્જાઈ છે.

દિવસે દિવસે ઘાસચારો, દાણના ભાવ તેમજ ગાય-ભેંસોની કિંમતોમાં સતત ભાવ વધારો થઇ રહ્યો છે. આ જ કારણસર ખેતી તથા પશુપાલન તરફ ગ્રામીણ વિસ્તારના લોકોમાં રૂચિ ઘટતી રહી છે. આનાથી દિન-પ્રતિદિન પશુપાલનો વ્યવસાય પણ તુટી રહ્યો છે. સરકાર દ્વારા આ અંગે ચિંતન કરીને પશુપાલકોના હિતમાં યોગ્ય નિર્ણય લેવાની જરૂર છે. કારણ કે, ખેડતોને આ ભાવમાં ભારે નુકશાન થઈ રહ્યું છે અને તેમની આર્થિક સ્થિતિ દિવસે ને દિવસે ખરાબ થઇ રહી છે.-