જામનગર સહિત સમગ્ર હાલારમાં મેઘરાજાનો ત્રીજો રાઉન્ડ શરુ થઇ ચૂકયો છે, સવારના છ વાગ્યાથી ધીમી ધારે વરસાદ શરુ થયો છે, ખીમરાણા, ખીજડીયા, ધુંવાવમાં એક-એક ઇંચ અને જામનગર શહેરમાં સવારે ૬ થી ૯માં અડધો ઇંચ વરસાદ વરસ્યો છે, ઓચીંતો વરસાદ આવવાના કારણે પ્રથમ સોમવારે મહાદેવના મંદિરે દર્શન કરવા જનારા શિવભકતો પલળી ગયા હતાં, કેટલાક ગામડાઓમાં આ લખાય છે ત્યારે ધીમી ધારે વરસાદ શરુ થયો છે.
આજે સવારના ૬ વાગ્યાથી ગુલાબનગરથી ખીજડીયા સુધીની પટ્ટીમાં બે કલાક સુધી સતત વરસાદ ચાલું રહ્યો હતો જેને કારણે વાહન ચાલકોને ભારે મુશ્કેલી પડી હતી, ઉપરાંત હાઇવે ઉપર અંધારા જેવું વાતાવરણ જોવા મળ્યું હતું, જામનગર શહેરની વાત લઇએ તો શહેરમાં સાડા છ વાગ્યા બાદ ધીમી ધારે ઝાપટા શરુ થયા હતાં અને ૯ વાગ્યા સુધીમાં અડધો ઇંચ વરસાદ પડયો હતો. ધીમી ધારે વરસાદના કારણે રાજમાર્ગો પલળી ગયા હતાં અને સ્કુલે જનાર બાળકો અને ઓફીસે જનારા કર્મચારીઓ પણ વરસાદમાં પલળી ગયા હતાં.
લાંબા સમય બાદ પ્રથમ સોમવારે મેઘરાજાએ ધીમી ધારે આગમન કર્યુ છે અને આજે જે રીતે ડોળ છે તે જોતા બે દિવસની આગાહી મુજબ ગામડાઓમાં પણ વરસાદ પડે તેવી પુરી શકયતા છે. કેટલાક ગામડાઓમાં આજ સવારે જોરદાર ઝાપટા પણ પડયા છે અને કયાંક ધીમી ધારે વરસાદ પડી રહ્યો છે, જો કે ૯ વાગ્યા સુધી કલેકટર કચેરીના ક્ધટ્રોલ રુમમાં ગામડાના વરસાદના કોઇ સમાચાર જાણવા મળ્યા નથી.
કાલાવડ, ખંભાળીયા, દ્વારકા, ધ્રોલ, જોડીયા, લાલપુર, ભાણવડ, રાવલ, ભાટીયા, મીઠાપુર, ફલ્લા સહિતના વિસ્તારોમાં ઝાપટા પડયા છે અને સાંજ સુધીમાં વધુ વરસાદ પડે તેવી શકયતા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકોલકાત્તા દુષ્કર્મ કેસ: આરજી કર હોસ્પિટલના જુનિયર ડોક્ટરોની હડતાળ સમાપ્ત
September 19, 2024 10:58 PM'તમામ હદ પાર', હિઝબુલ્લા ચીફની ધમકી બાદ પણ ન માન્યું ઇઝરાયેલ, બેરુતને હચમચાવી નાખ્યું
September 19, 2024 10:15 PMતિરુપતિ મંદિરના પ્રસાદમાં જાનવરોની ચરબી, લેબ રિપોર્ટમાં ખુલાસો, ફિશ ઓઈલ મેળવવાની પુષ્ટિ
September 19, 2024 10:13 PMબાંગ્લાદેશ હિંસામાં નવ લઘુમતીઓના મોત, 69 પૂજા સ્થાનો પર તોડફોડ, ચોંકાવનારા આંકડા આવ્યા સામે
September 19, 2024 10:12 PMCopyright © 2023-2024 Aajkaal Daily
Developed by Rhythm Infotech