પૈસાના લોભને કારણે કેટલાક લોકો ક્યારેક એવા કામ કરે છે, જે સમાજ અને કાયદો બંને માટે પડકાર બની જાય છે. ઓસ્ટ્રેલિયામાં આવો જ એક કિસ્સો પ્રકાશમાં આવ્યો છે, જ્યાં એક 42 વર્ષીય જિમ માલિકે ઈન્શ્યોરન્સના પૈસા પડાવી લેવા માટે પોતાના મૃત્યુની ખોટી સ્ટોરી બનાવી છે. આટલું જ નહીં, તેણે બેંકમાંથી ઈન્સ્યોરન્સના પૈસા મેળવવા માટે પોતાને પોતાના ભાગીદાર તરીકે રજૂ કર્યા હતા.

રિપોર્ટ અનુસાર કેરેન સાલ્કિલ્ડ નામની આ મહિલાએ તેના પાર્ટનરના નામે ઈન્સ્યોરન્સ ક્લેમ ફાઈલ કર્યો હતો, જેમાં જણાવવામાં આવ્યું હતું કે તેનું મોત કાર અકસ્માતમાં થયું છે. આ દાવાને મજબૂત કરવા કેરેને બનાવટી દસ્તાવેજો બનાવ્યા, જેમાં ડેથ સર્ટિફિકેટ અને તેના તપાસ રેકોર્ડનો સમાવેશ થાય છે. આ મહિલા તેના ખાતામાં 5,00,000 ડોલર (એટલે કે રૂ. 4 કરોડથી વધુ)ની વીમા રકમ ટ્રાન્સફર કરવામાં સફળ રહી હતી.

પરંતુ આ ધૂર્ત મહિલાના ષડયંત્રનો પર્દાફાશ ત્યારે થયો જ્યારે બેંકે એકાઉન્ટને શંકાસ્પદ માનીને તેને ફ્રીઝ કરી દીધું. આ ભૂલ મહિલાને મોંઘી પડી. પૈસા ઉપાડવાના પ્રયાસમાં તેણે અનેક પ્રકારના આઈડી બતાવ્યા. પછી શું બાકી હતું. આ મહિલાની માર્ચમાં ધરપકડ કરવામાં આવી હતી અને એ પણ બહાર આવ્યું હતું કે તેના પાર્ટનરની આ કાવતરામાં કોઈ ભૂમિકા નથી.

આ પછી કેરન પર બનાવટી દસ્તાવેજોનો ઉપયોગ કરીને છેતરપિંડી કરવાનો આરોપ લાગ્યો હતો. મળતી માહિતી મુજબ મહિલાએ કોર્ટમાં પોતાનો ગુનો કબૂલી લીધો છે. આવતા મહિને આ કેસની સુનાવણી છે, જેમાં તેની સજાનો નિર્ણય કરવામાં આવશે. આ છેતરપિંડી બદલ કેરનને સાત વર્ષની જેલની સજા થઈ શકે છે. મહિલા પાસેથી વીમાના પૈસા પણ વસૂલ કરવામાં આવ્યા છે.
​​​​​​​

અગાઉ, ફેબ્રુઆરીમાં અમેરિકામાં આવો જ એક કિસ્સો પ્રકાશમાં આવ્યો હતો, જ્યારે વીમાના પૈસાની લાલચમાં 60 વર્ષના એક વ્યક્તિએ જાણી જોઈને તેના બંને પગ કાપી નાખ્યા હતા. આ વ્યક્તિએ દાવો કર્યો હતો કે લૉનમોવરની નીચે આવ્યા કપાઈ ગયા હતા. પરંતુ તપાસમાં બહાર આવ્યું છે કે તેણે જાણી જોઈને આવું કર્યું હતું.