મેક્સિકોના વેરાક્રુઝમાં એક 11 વર્ષના છોકરાની ગોળી મારીને હત્યા કરવામાં આવી હતી. ફાયરિંગનો આરોપ લગભગ મૃતક જેટલી જ ઉંમરના બાળક પર છે. 10 વર્ષના છોકરાએ વીડિયો ગેમમાં હાર્યા બાદ તેના સાથી પર ગોળીબાર કર્યો હતો.

વેરાક્રુઝ મેક્સિકોના સૌથી હિંસક રાજ્ય તરીકે કુખ્યાત છે કારણ કે ડ્રગ્સ તસ્કરો વચ્ચે ગેંગ વોર છે. ન્યૂઝ એજન્સીના જણાવ્યા અનુસાર, વિડિયો ગેમમાં હારી ગયા પછી, એક 10 વર્ષના છોકરાએ બંદૂક કાઢી અને બીજાને માથામાં ગોળી મારી દીધી હતી. આ ઘટના બાદ બાળક અને તેનો પરિવાર ભાગી ગયો હતો.
​​​​​​​

મૃતકની માતાનો આરોપ છે કે 10 વર્ષના બાળકના પરિવારે ટેબલ પર બંદૂક છોડી દીધી હતી. "મારો પુત્ર મૃત્યુ પામ્યો કારણ કે મારા પુત્રની હત્યા કરનાર બાળકના માતાપિતા બેજવાબદાર હતા જેમણે ટેબલ પર બંદૂક છોડી દીધી હતી."

અહેવાલો અનુસાર બાળક ડિપ્રેશનમાં હતો, તેથી તેણે પરિવારના ઘરેથી બંદૂક મેળવી અને 11 વર્ષના છોકરાને માથામાં ગોળી મારી. એવું કહેવામાં આવી રહ્યું છે કે મંગળવારે (17 જાન્યુઆરી) ના રોજ મૃતકોના અંતિમ સંસ્કાર કરવામાં આવ્યા હતા. આ દરમિયાન મૃતકની માતાએ પત્રકારોને કહ્યું, "હું માત્ર એટલું જ કહું છું કે તમે મને ન્યાય અપાવવામાં મદદ કરો."