મોરબી તાલુકાના લાલપર ગામની સીમમાં આવેલ પટેલ ગેસ્ટ હાઉસ પાછળ આવેલ ગોડાઉનમાંથી ગેરકાયદેસર નશીલા આયુર્વેદિક શિરપનો જથ્થો મોરબી તાલુકા પોલીસે ઝડપી લઈને ધોરણસરની કાર્યવાહી હાથ ધરી છે
તાલુકા પોલીસ ટીમ પેટ્રોલિંગમાં હોય દરમિયાન બાતમીને આધારે લાલપર ગામની સીમ ગોપાલ હાર્ડવેર પાછળ પટેલ ગેસ્ટ હાઉસ પાછળ આવેલ ગોડાઉનમાં રેડ કરી હતી જે ગોડાઉનમાંથી ગેરકાયદેસર નશીલી આયુર્વેદિક શિરપની કુલ બોટલ નંગ ૪૬૭૦ કિંમત રૂ.૬,૨૮,૪૦૦ નો જથ્થો મળી આવતા શંકાસ્પદ ચીજવસ્તુ તરીકે સીઆરપીસી કલમ ૧૦૨ મુજબ મુદામાલ કબજે કરી કાયદેસર કાર્યવાહી હાથ ધરી છે તેમજ જથ્થો રાખી વેચાણ કરનારમાં કલ્પેશ અશ્વિન કોટેચા રહે મોરબી વાળાનું નામ ખુલતા પોલીસે વધુ તપાસ ચલાવી છે


જે કામગીરીમાં મોરબી તાલુકા પીઆઈ કે એ વાળા, પીએસઆઈ વી જી જેઠવા, જયદેવસિંહ ઝાલા, અજીતસિંહ પરમાર, દિનેશભાઈ બાવળિયા, હરેશભાઈ આગલ, રમેશભાઈ મુંધવા, દિવ્યરાજસિંહ જાડેજા, ભગીરથભાઈ લોખીલ, જયદીપભાઈ પટેલ, પંકજભા ગુઢડા, કેતનભાઈ અજાણા, દીપસિંહ ચૌહાણ અને યશવંતસિંહ ઝાલા સહિતની ટીમ જોડાયેલ હતી.