રાજકોટમાં TRP ગેમઝોનમાં બનેલા અગ્નિકાંડમાં 32 લોકો મોતને ભેટ્યા છે. શનિવાર રાજકોટ માટે ગોઝારો સાબિત થયો હોય અને વધુ એક રાજકોટને કાળો ટીકો લાગ્યો હોય તે પ્રકારની આ ઘટનામાં 9 બાળકો સહિત 32 લોકોએ જીવ ગુમાવ્યો છે. આ ઘટનામાં મહત્વની એક વાત પણ સામે આવી છે. જેમાં ગેમઝોનના માલિકો મોતનું ફોર્મ ભરાવતા હતા. જે લોકો ગેમ્સ રમવા આવતા હતા તેમની પાસે પહેલા આ ફોર્મ ભરાવવામાં આવ્યું હતું. 

આ ફોર્મની અંદર સ્પષ્ટ લખવામાં આવ્યું છે કે, જો કોઈને ઈજાઓ કે કોઈનું મોત થાય છે તો તેમાં ગેમ્સ જવાબદાર નહીં રહે. તમે કોઈપણ ગેમ રમતા હશો અને કોઈ પણ ઘટના બને છે તો તેની જવાબદારી ગેમ્સની રહેશે નહીં. પહેલેથી જ પોતાના બચાવ માટે મોતના ફોર્મ ભરાવી લેવામાં આવતા હતા.