kitne ka chalan hona chaiye?@jaipur_police pic.twitter.com/HVq0Ufiq9Z

— rajni singh (@imrajni_singh) September 15, 2023

છેલ્લા કેટલાક દિવસથી બાઈક પર સ્ટંટ કરતા યુવાવર્ગ પર પોલીસની ચાંપતી નજર છે, છતાં કેટલાક લુખ્ખા તત્વો હોય છે જેમને પોતાના જીવની તો પરવાહ નથી હોતી પણ પોતાની રોમીયોગીરીના ચક્કરમાં બીજા લોકોના જીવ જોખમમાં મૂકી દેતા હોય છે. હાલમાં જ આવો વધુ એક વીડિયો સામે આવ્યો છે. રાજસ્થાનના જયપુરમાં મોટરસાઇકલ પર કિસ કરતા કપલનો વીડિયો વાયરલ થઇ રહ્યો છે. વીડિયોમાં કપલને જોખમી સ્ટંટ કરતા જોઈ શકાય છે.

કિસિંગની આ ઘટનાએ સોશિયલ મીડિયા પ્લેટફોર્મ પર રોડ સેફ્ટી અંગે ચર્ચા જગાવી છે. વાયરલ થયેલા વીડિયોમાં કપલ શહેરના વ્યસ્ત રસ્તાઓ પર હેલ્મેટ વિના મોટરસાઈકલ ચલાવતા જોઈ શકાય છે. ચલાવનાર વ્યક્તિ રસ્તાના બદલે રોમેન્ટિક મોમેન્ટ પર વધુ ધ્યાન આપી રહ્યો હતો, તે તેની પાછળ બેઠેલી તેની પાર્ટનરને કિસ કરતો જોવા મળ્યો હતો. પાછળથી આવતા કોઈએ તેનો વીડિયો બનાવીને સોશિયલ મીડિયા પર પોસ્ટ કરી દીધો, જેના પછી લોકો આ વીડિયોને ખૂબ શેર કરી રહ્યા છે. ટ્રાફિકના નિયમોની અવગણનાના આ વીડિયોએ લોકોનું ધ્યાન ખેંચ્યું હતું.

નેટીઝન્સે પણ સોશિયલ મીડિયા પર વિડિયો શેર કર્યો, જેનાથી શહેરના ટ્રાફિક અધિકારીઓને પગલાં લેવાનું કહેવામાં આવ્યું. દરમિયાન, એક વરિષ્ઠ ટ્રાફિક પોલીસ અધિકારીએ પુષ્ટિ કરી કે વીડિયોમાં વાહનની લાયસન્સ પ્લેટ પરથી માલિકનું નામ અને સરનામું ઓળખવામાં આવ્યું છે. આ પછી 1988 મોટર વ્હીકલ એક્ટ હેઠળ કાયદેસની કાર્યવાહી કરવામાં આવી હતી.