ઉત્તર પ્રદેશના કન્નૌજમાં રહેતી મહિલા તેના પિતાના મૃત્યુના સમાચાર સાંભળીને દંપતી રોડવેઝ બસમાં દિલ્હી જઈ રહ્યાં હતા. આ દરમિયાન મહિલાને બસમાં જ પ્રસૂતિની પીડા થવા લાગી અને બાદમાં મહિલાએ રોડવેઝ બસની અંદર જ બાળકને જન્મ આપ્યો હતો.

મામલો બન્નાદેવી કોતવાલી વિસ્તારનો છે. અહીં એક મહિલાએ રોડવેઝ બસની અંદર બાળકને જન્મ આપ્યો હતો. મહિલાની ડિલિવરી તેના પતિએ કરાવી હતી. બસમાં પત્નીની ડિલિવરી બાદ કન્નૌજના ભગવાનપુર ગામના રહેવાસી શિવશાંતે જણાવ્યું કે તેની પત્ની સોનીના પિતાના મૃત્યુના સમાચાર સાંભળ્યા બાદ અમે બંને દિલ્હી જઈ રહ્યા હતા. બંને કન્નૌજથી અલીગઢ થઈને દિલ્હી જવા નીકળ્યા હતા. આ દરમિયાન પત્ની સોનીને અચાનક પ્રસૂતિની પીડા થવા લાગી હતી.

પતિએ પત્નીની ડિલિવરી કરાવી રોડવેઝ બસમાં

શિવશાંતે જણાવ્યું કે સોનીનું દર્દ જોઈને રોડવેઝ બસના ડ્રાઈવરે બસને રોડની બાજુમાં ઉભી રાખી દીધી હતી. બસમાં હાજર બે મહિલા મુસાફરો તેમની પત્નીને દર્દથી પીડાતી જોઈને ખૂબ જ ડરી ગઈ હતી. તે બંને તેની પત્ની પાસે મદદ માટે આવ્યા ન હતા. તે પછી જ્યારે તેણે તેની પત્નીને દર્દથી પીડાતી જોઈ તો તેણે ડિલિવરી કરાવી હતી. ડિલિવરી પછી રોડવેઝ બસ ડ્રાઈવરે બસને જિલ્લા હોસ્પિટલ લઈ ગયા હતા.

મામલાની માહિતી મળતાં જ ડૉક્ટર સહિતનો સ્ટાફ રોડવેઝની બસની અંદર પહોંચી ગયો હતો. ત્યારબાદ તેણે મહિલા અને બાળકને હોસ્પિટલમાં દાખલ કરાવ્યા હતા. જિલ્લા હોસ્પિટલના ડૉકટરરે જણાવ્યું હતું કે બસમાં એક મહિલાની પ્રસૂતિ થઈ હતી અને તેને જિલ્લા હોસ્પિટલમાં દાખલ કરવામાં આવી હતી. બાળક અને માતા બંને સ્વસ્થ છે અને બંને હોસ્પિટલમાં સારવાર હેઠળ છે.