- નાના-નાની અને મામા-મામીને પગલે બોલીવૂડમાં પ્રેવેશ અંગે નવ્યાનો ખુલાસો
- ફિલ્મોની ઓફર નવ્યાએ પોતાના પોડકાસ્ટમાં કર્યો ચોંકાવનારો ખુલાસો
અમિતાભ બચ્ચનની પૌત્રી નવ્યા નવેલી નંદા ભલે બોલીવુડના સિલ્વર સ્ક્રીનથી દૂર હોય, પરંતુ તે સોશિયલ મીડિયા પર સૌથી વધુ ફોલો કરવામાં આવતા સ્ટાર કિડ્સમાંથી એક છે. ચાહકો ઘણીવાર તેના વિશે જાણવા આતુર હોય છે. તે આ દિવસોમાં તેના પોડકાસ્ટ વોટ ધ હેલ નવ્યાથી હેડલાઇન્સમાં છે. તાજેતરના પોડકાસ્ટમાં, તે તેની માતા શ્વેતા બચ્ચન અને દાદી જયા બચ્ચન સાથે વાત કરતી જોવા મળી હતી. ફિલ્મી પૃષ્ઠભૂમિમાંથી આવતી હોવા છતાં, નવ્યા તેના નાના-નાની તેમજ મામા- મામીના પગલે ચાલવાની નથી.
અમિતાભ બચ્ચનની પૌત્રી નવ્યા નવેલી નંદાએ આખરે ખુલાસો કર્યો કે તે શા માટે દાદા અને મામા અભિષેક બચ્ચનના પગલે ચાલવા માંગતી નથી. તેના તાજેતરના ઇન્ટરવ્યુમાં, તેણે તેના બોલિવૂડ ડેબ્યૂ અને તેની કારકિર્દી વિશે ઘણી વાતો કરી. આ દરમિયાન તેણે જે પણ કહ્યું તે ખૂબ જ રસપ્રદ છે.
નવ્યા વ્યવસાયે એક યુવા ઉદ્યોગસાહસિક છે, જે આરા હેલ્થ નામની કંપની ધરાવે છે. તેની માતાની જેમ, તેણે પોતાની કારકિર્દી અંગે એક અલગ રસ્તો પસંદ કર્યો. તાજેતરમાં, બ્રુટ ઈન્ડિયા સાથે વાત કરતી વખતે, સ્ટાર કિડને પૂછવામાં આવ્યું કે તેણે હજી સુધી ફિલ્મોમાં કેમ કામ કર્યું નથી? જ્યારે તેનો ભાઈ અગસ્ત્ય નંદા સુહાના ખાન અને ખુશી કપૂરની સાથે 'ધ આર્ચીઝ'થી ડેબ્યૂ કરવા જઈ રહ્યો છે.
નવ્યાએ કહ્યું કે....
હું માત્ર કોઈ કામ કરવામાં જ માનતી નથી. તેની આવડત અલગ છે. સાચું કહું તો હું તેમાં (અભિનય) બહુ સારી નથી. મને નથી લાગતું કે તમારે આ કરવા માટે કંઈ કરવું જોઈએ. તમારે તે કરવું જોઈએ જેના વિશે તમે 100% જુસ્સાદાર હોવ. તે એવી વસ્તુ નથી જેના વિશે હું ઉત્સાહી છું. મને લાગે છે કે હું જે કરવાનું પસંદ કરું છું તે કરી રહી છું. ટુંકમાં હું તેમાં બહુ ફીટ બેસી નહીં શકું.
ઉપરાંત તેને કોઈ ફિલ્મની ઓફર કરવામાં આવી હોવા અંગે પૂછવામાં આવતા નવ્યાએ કહ્યું....
ના. મને ખબર નથી કે લોકો એવું કેમ વિચારે છે કે મને ફિલ્મોની ઓફર મળી છે. હકીકતમાં કોઈ ઓફર આવી નથી, તે અદ્ભુત છે.
દરમિયાન, નવ્યા, સિદ્ધાંત ચતુર્વેદી સાથેના તેના કથિત રોમાંસ માટે પણ હેડલાઇન્સમાં છે. જોકે, તેણે આ અંગે ન તો પુષ્ટિ કરી કે ન તો ઇનકાર કર્યો. પરંતુ કરણ જોહરની 50મી બર્થડે પાર્ટીનો તેમનો ડાન્સિંગ વીડિયો ઇન્ટરનેટ પર વાયરલ બાદ તેમના સોશિયલ મીડિયા એક્સચેન્જીસ અને પાર્ટીના ફોટા તેમની વચ્ચે રોમાંસની અટકળો માટે પુરતા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકોલકાત્તા દુષ્કર્મ કેસ: આરજી કર હોસ્પિટલના જુનિયર ડોક્ટરોની હડતાળ સમાપ્ત
September 19, 2024 10:58 PM'તમામ હદ પાર', હિઝબુલ્લા ચીફની ધમકી બાદ પણ ન માન્યું ઇઝરાયેલ, બેરુતને હચમચાવી નાખ્યું
September 19, 2024 10:15 PMતિરુપતિ મંદિરના પ્રસાદમાં જાનવરોની ચરબી, લેબ રિપોર્ટમાં ખુલાસો, ફિશ ઓઈલ મેળવવાની પુષ્ટિ
September 19, 2024 10:13 PMબાંગ્લાદેશ હિંસામાં નવ લઘુમતીઓના મોત, 69 પૂજા સ્થાનો પર તોડફોડ, ચોંકાવનારા આંકડા આવ્યા સામે
September 19, 2024 10:12 PMCopyright © 2023-2024 Aajkaal Daily
Developed by Rhythm Infotech