T20 વર્લ્ડ કપ જીત્યા બાદ વિરાટ કોહલીએ તોડ્યો વધુ એક રેકોર્ડ, છવાઇ ગયો ઈન્સ્ટાગ્રામ પર

ભારતીય ક્રિકેટ ટીમે 17 વર્ષ બાદ T20 વર્લ્ડ કપ જીત્યો છે. આ જીતને બે દિવસ થઈ ગયા છે, પરંતુ આજે પણ ભારતના લોકો સેલિબ્રેશનના મૂડમાં જ છે. દરેક લોકો સોશિયલ મીડિયા દ્વારા ટીમ ઈન્ડિયાને અભિનંદન આપતા જોવા મળે છે. પોતાની ખુશી વ્યક્ત કરતા ખેલાડીઓએ ટ્રોફી સાથેના પોતાના ફોટા પણ ઈન્સ્ટાગ્રામ પર શેર કર્યા છે.

રવિવારે ક્રિકેટર વિરાટ કોહલીએ તેના ફોટા શેર કર્યા છે. જેણે બોલિવૂડના સૌથી લોકપ્રિય કપલ સિદ્ધાર્થ મલ્હોત્રા અને કિયારા અડવાણીનો રેકોર્ડ તોડી નાખ્યો. વિરાટને કિયારા-સિદ્ધાર્થ સાથે શું લેવાદેવા? કયો રેકોર્ડ છે?

સિદ્ધાર્થ મલ્હોત્રા અને કિયારા અડવાણીએ ગયા વર્ષે લગ્ન કર્યા હતા. આ કપલે તેમના લગ્નના ફોટા શેર કર્યા હતા. જેણે એક રેકોર્ડ બનાવ્યો હતો કે આ ફોટા ભારતમાં સૌથી વધુ પસંદ કરાયેલ પોસ્ટ છે. આ કપલનો આ રેકોર્ડ દોઢ વર્ષ બાદ તૂટ્યો છે.

વિરાટ કોહલીએ આ રેકોર્ડ તોડ્યો

T20 વર્લ્ડ કપ 2024 જીત્યા બાદ વિરાટ કોહલીએ પોતાની ટીમ સાથે શેર કરેલી તસવીરો લોકોને એટલી પસંદ આવી કે તેણે રેકોર્ડ પણ બનાવ્યો. આ પોસ્ટ ભારતમાં સૌથી વધુ પસંદ કરાયેલ પોસ્ટ બની ગઈ છે.

જ્યારે સિદ્ધાર્થ અને કિયારાના લગ્નના ફોટાને 16 મિલિયનથી વધુ લાઇક્સ મળી છે, જ્યારે વિરાટની પોસ્ટને 18 મિલિયનથી વધુ લાઇક્સ મળી છે. જો કે વિરાટની પોસ્ટને સતત લાઈક્સ મળી રહી છે, તે હજુ પણ લિયોનેલ મેસીની પોસ્ટથી ઘણી પાછળ છે, જે અત્યાર સુધીની સૌથી વધુ લાઈક પોસ્ટનો વર્તમાન રેકોર્ડ ધરાવે છે. 2022 FIFA વર્લ્ડ કપ જીતની ઉજવણી કરતી ફૂટબોલરની પોસ્ટને 75.3 મિલિયનથી વધુ લોકોએ પસંદ કરી છે.