જામનગરની વિદ્યાસાગર ઇન્ફોટેક કોલેજમાં તાજેતરમાં બીસીએ અને એમ.એસ.સી. (આઇ.ટી. એન્ડ સીએ) ના વિદ્યાર્થીઓ માટે બે દિવસીય ટેક વિડીયો સ્પર્ધાનું આયોજન કરવામાં આવ્યું હતું.
આ સ્પર્ધામાં વિદ્યાર્થીઓ દ્વારા આધુનિક ટેકનોલોજી ઉપર વિડિયો બનાવીને તથા ડાઉનલોડ કરીને પ્રેઝન્ટ કરવામાં આવ્યા હતા. આ સ્પર્ધાનો મુખ્ય હેતુ આધુનિક ટેકનોલોજી ની સમજ તથા સ્ટેજ ફિયર દૂર કરવાનો હતો.  આ સ્પર્ધામાં કોલેજના ૧૦૦થી વધુ વિદ્યાર્થીઓએ ઉત્સાહભેર ભાગ લીધો હતો. અને વિજેતાઓને સર્ટિફિકેટ આપી પ્રોત્સાહિત કરવામાં આવ્યા હતા. આ કાર્યક્રમને સફળ બનાવવા માટે કોલેજના ટ્રસ્ટીઓ, પ્રિન્સિપાલ શ્રીરામ કેવલરામાણી અને કોમ્પ્યુટર સાયન્સના અધ્યાપકોએ જહેમત ઉઠાવી હતી.