સામસામી પોલીસ નોંધાવાઇ ફરિયાદ

જામનગરમાં શંકર ટેકરી નજીક સિદ્ધાર્થ કોલોની વિસ્તારમાં ગટરના ગંદા પાણીના નિકાલના પ્રશ્ને બે પાડોશીઓ વચ્ચે તકરાર થઈ હતી, અને સામસામાં હુમલા કરાયા હતા, જે મામલે બંને પક્ષે પોલીસ ફરિયાદ નોંધાવાઇ છે.

જામનગરમાં સિદ્ધાર્થ કોલોની વિસ્તારમાં રહેતા ચંદ્રવદનભાઈ નાનજીભાઈ ગોહિલ (ઉ.વ.૪૫) એ ગટરના ગંદા પાણીના નિકાલ ના  પ્રશ્ને પોતાના પાડોશમાં જ રહેતા પ્રાગજીભાઈ ચૌહાણ, ભાવનાબેન તેમજ ગીતાબેન સહિત ત્રણ પાડોશીઓ સામે પોતાના પર ધોકા તેમજ છરી વડે હુમલો કરી ઇજા પહોંચાડવા અંગેની ફરિયાદ સીટી સી. ડિવિઝન પોલીસ મથકમાં નોંધાવી છે.

જ્યારે સામા પક્ષે પ્રાગજીભાઈ પ્રેમજીભાઈ ચૌહાણએ પોતાના ઉપર હુમલો કરવા અંગે પાડોશી ચંદ્રવદનભાઈ નાનજીભાઈ ગોહિલ સામે વળતી ફરિયાદ નોંધાવી છે. જે મામલે સિટી સી. ડિવિઝન પોલીસ વધુ તપાસ ચલાવે છે.