ભારતમા હાઈ-નેટ-વર્થ ધરાવતા વ્યક્તિઓની સંખ્યા 2024 માં વધીને 85,698 થઈ ગઈ, જે 2023 કરતા 6 ટકા વધુ છે. આ સંખ્યા 2028 સુધીમાં 93,753 સુધી પહોંચવાનો અંદાજ છે.ગ્લોબલ પ્રોપર્ટી કન્સલ્ટન્સી નાઈટ ફ્રેન્કના એક અહેવાલ મુજબ, ભારતમાં હાઈ-નેટ-વર્થ ધરાવતા વ્યક્તિઓની સંખ્યા, એટલે કે જે લોકોની સંપત્તિ 10 મિલિયન ડોલર (લગભગ રૂ. 83 કરોડ) થી વધુ છે, તે ગયા વર્ષે 6 ટકા વધીને 85,698 થઈ ગઈ છે. 2023 માં આ આંકડો 80,686 હતો.વિશ્વના સૌથી વધી અમીર ધરાવતા દેશોની યાદીમાં અમેરિકા અને ચીન પછી ભારત ત્રીજા નંબરે આવી ગયું છે.

કરોડપતિઓની સંખ્યા હજુ વધશે

નાઈટ ફ્રેન્કનો અંદાજ છે કે ભારતમાં ઉચ્ચ સંપત્તિ ધરાવતા વ્યક્તિઓ ની સંખ્યા 2028 સુધીમાં વધીને 93,753 થઈ જશે. આ વધારો ભારતના મજબૂત આર્થિક વિકાસ દર, રોકાણની વધતી તકો અને લક્ઝરી બજારના વિસ્તરણને પ્રતિબિંબિત કરે છે.ભારતમાં હાઈ-નેટ-વર્થ વ્યક્તિઓની સંખ્યા 2024માં 85,698 સુધી પહોંચી છે , જે 2023 કરતા 6 ટકા વધુ છે. આ સંખ્યા 2028 સુધીમાં 93,753 સુધી પહોંચવાનો અંદાજ છે.

અબજોપતિઓની સંખ્યા 191 સુધી પહોંચવાની ધારણા

કરોડપતિઓ ઉપરાંત, અબજોપતિઓની સંખ્યામાં પણ વધારો જોવા મળ્યો છે. ભારતમાં અબજોપતિઓની સંખ્યા 191 સુધી પહોંચવાની ધારણા છે. ગયા વર્ષે, 26 નવા અબજોપતિઓ બનાવવામાં આવ્યા હતા, જ્યારે 2019માં આ સંખ્યા ફક્ત 7 હતી. ભારતીય અબજોપતિઓની કુલ સંપત્તિ 950 બિલિયન ડોલર (લગભગ રૂ. 79 ​​લાખ કરોડ) છે. આ આંકડો ભારતને વિશ્વમાં ત્રીજા સ્થાને લાવે છે. અમેરિકા પહેલા નંબરે (૫.૭ ટ્રિલિયન ડોલર) અને ચીન બીજા નંબરે (૧.૩૪ ટ્રિલિયન ડોલર) છે.

શ્રીમંત લોકોની સંખ્યા વધવાનું કારણ

નાઈટ ફ્રેન્ક ઈન્ડિયાના ચેરમેન અને મેનેજિંગ ડિરેક્ટર શિશિર બૈજલના મતે, ભારતમાં ધનિક લોકોની વધતી સંખ્યા દેશની આર્થિક મજબૂતાઈ અને લાંબા ગાળાની વૃદ્ધિ દર્શાવે છે. તેમણે કહ્યું, "ભારતમાંહાઈ-નેટ-વર્થ વ્યક્તિઓની સંખ્યામાં વધારો ઉદ્યોગસાહસિકતા, વૈશ્વિક એકીકરણ અને નવા ઉદ્યોગોને કારણે થઈ રહ્યો છે." આ ઉપરાંત, ભારતના ધનિક લોકોની રોકાણ પ્રાથમિકતાઓ પણ બદલાઈ રહી છે. તેઓ હવે રિયલ એસ્ટેટથી લઈને વૈશ્વિક ઇક્વિટી સુધીના વિવિધ એસેટ વર્ગોમાં રોકાણ કરી રહ્યા છે.

વિશ્વમાં અબજોપતિઓની સંખ્યા

દુનિયાભરમાં અબજોપતિઓની સંખ્યા સતત વધી રહી છે. આ લોકો એટલી બધી સંપત્તિ એકઠી કરે છે કે તેમની સંપત્તિ ઘણા દેશોના જીડીપી કરતાં પણ વધુ છે. ફોર્બ્સના અહેવાલ મુજબ, 2024 માં વિશ્વભરના 78 દેશોમાંથી 2,781 અબજોપતિઓ છે. આમાંથી, સૌથી વધુ અબજોપતિઓ અમેરિકામાં છે, જ્યારે ભારતે આ યાદીમાં ત્રીજું સ્થાન મેળવ્યું છે.