હાલમાં, આબોહવા પરિવર્તન એક મોટી સમસ્યા છે અને સમગ્ર વિશ્વ તેની સામે લડવા માટે અનેક દાવાઓ કરી રહ્યું છે. દરમિયાન, યુએન કલાઈમેટ ચીફ સિમોન સ્ટીલે કલાઈમેટ ચેન્જને લઈને મોટી ચેતવણી જારી કરી હતી. વિશ્વને બચાવવા માટેના બે વર્ષ થીમવાળા ભાષણમાં તેમણે ચેતવણી આપી હતી કે આબોહવાની આપત્તિ ટાળવા માટે વિશ્વ પાસે માત્ર બે વર્ષ બાકી છે.

સ્ટેલે વિશ્વના દેશોને પેરિસ કરાર હેઠળ તેમની આબોહવા યોજનાઓને તાકીદે મજબૂત કરવા હાકલ કરી હતી, જેને રાષ્ટ્ર્રીય નિર્ધારિત યોગદાન તરીકે ઓળખવામાં આવે છે. તેમણે કહ્યું કે વર્તમાન એનડીસી ૨૦૩૦ સુધીમાં ઉત્સર્જનમાં ભાગ્યે જ ઘટાડો કરી શકશે. તેમણે કહ્યું કે કલાઈમેટ ચેન્જ પરની ઈન્ટર ગવર્નમેન્ટલ પેનલે પણ ચેતવણી જારી કરી છે. તેમાં કહેવામાં આવ્યું છે કે વૈશ્વિક ગ્રીનહાઉસ ગેસ ઉત્સર્જન ૨૦૨૫ પહેલા ટોચ પર આવશે અને ૨૦૩૦ સુધીમાં ૪૩% સુધી ઘટાડીને ૧.૫ ડિગ્રી સેલ્સિયસ સુધી વોમિગ મર્યાદિત કરવું આવશ્યક છે.

લંડનમાં ચેથમ હાઉસ ખાતે બોલતા, સ્ટિલએ કહ્યું:  આજે જે રીતે ઊભા છે તે ૨૦૩૦ સુધીમાં એકંદરે ઉત્સર્જનમાં ભાગ્યે જ ઘટાડો કરશે. રાષ્ટ્ર્રીય આબોહવા યોજનાઓની નવી પેઢી સાથે ગ્રીનહાઉસ ગેસના ઉત્સર્જનમાં ઘટાડો કરવા માટે આપણે હજી લાંબી મજલ કાપવાની છે. તક છે, પરંતુ આ માટે હવે આપણને મજબૂત યોજનાઓની જર છે. દરેક દેશે એક નવી યોજના સબમિટ કરવી પડશે.આ ટિપ્પણી ત્યારે આવી છે યારે વૈશ્વિક તાપમાન સતત વધી રહ્યું છે. રેકોર્ડ મુજબ, માર્ચ સતત દસમો મહિનો સૌથી ગરમ રહ્યો હતો.

યુરોપિયન યુનિયનની કોપરનિકસ કલાઈમેટ ચેન્જ સર્વિસે મંગળવારે જણાવ્યું હતું કે છેલ્લા બાર મહિનામાં (એપ્રિલ ૨૦૨૩ – માર્ચ ૨૦૨૪) વૈશ્વિક સરેરાશ તાપમાન ૧૯૯૧–૨૦૨૦ની સરેરાશ કરતાં ૦.૭૦ ડિગ્રી સેલ્સિયસ વધુ નોંધાયું છે.