સોશિયલ મીડિયા પ્લેટફોર્મ પર વીડિયો ક્યારે વાયરલ થશે તે અંગે કંઈ કહી શકાય નહીં. સોશિયલ મીડિયા પર દરરોજ અલગ-અલગ વીડિયો અપલોડ થાય છે પરંતુ લોકોનું ધ્યાન ખેંચે તેવા વીડિયો જ સોશિયલ મીડિયા પર વાયરલ થાય છે અને વાયરલ થ્ય્રલા ફની વીડિયો જોયા બાદ લોકો પોતાની પ્રતિક્રિયા પણ આપે છે. સોશિયલ મીડિયા પર ઘણા વાયરલ વીડિયો જોયા જ હશે. કેટલાક વીડિયોમાં જુગાડ કરતા લોકોને જોયા પણ હશે અને કેટલાક વીડિયોમાં અદભૂત પ્રતિભા જોઈ હશે. હાલમાં જે વીડિયો વાયરલ થઈ રહ્યો છે તેમાં આપણે પત્નીનું જુગાડુ મન જોઈ શકાય છે.

હમણાં એક વીડિયો વાયરલ થઈ રહ્યો છે તેમાં જોવા મળે છે કે પત્નીએ તેના પતિને ડિજિટલ પેમેન્ટ એપ દ્વારા 143 રૂપિયા મોકલ્યા છે. આટલા પૈસા મોકલ્યા પછી મહિલાએ તેના પતિને કહ્યું કે જો મેં 143 એટલે કે આઈ લવ યુ લખ્યુ તો તમે પણ મને 1432 એટલે કે આઈ લવ યુ ટૂ મોકલો. 143 આઈ લવ યુનો કોડ છે. હવે જો પતિ આ કોડનો ઉપયોગ કરીને સમાન પેમેન્ટ એપ્લિકેશન દ્વારા તેની પત્નીને I Love You Too મોકલે છે, તો તેના ખાતામાંથી 1,432 રૂપિયા ઉપાડી લેવામાં આવશે. આ રીતે મહિલાએ પોતાના પતિને છેતરવા માટે આ રીત અપનાવી હતી. તેનો પતિ યુક્તિ સમજી ગયો અને પૈસા મોકલ્યા નહીં. વીડિયોમાં તે કહે છે ' હું આઈ લવ યુ ટૂ કહી શકીશ નહીં, કેમકે તે ખૂબ મોંઘું છે.'

આ વીડિયોને @ad_ibaaa નામના એકાઉન્ટ દ્વારા માઇક્રો બ્લોગિંગ પ્લેટફોર્મ X પર પોસ્ટ કરવામાં આવ્યો છે. વીડિયો પોસ્ટ કરતી વખતે કેપ્શનમાં લખ્યું છે કે, 'બિઝનેસ કરવાની રીત થોડી કેઝ્યુઅલ છે.' અત્યાર સુધી આ વીડિયોને 65 હજારથી વધુ લોકો જોઈ ચૂક્યા છે. વીડિયો જોયા બાદ એક યુઝરે લખ્યું- 143.2 મોકલો ભાઈ.