રાજકોટના રેસકોર્સમાં આયોજીત જાહેર સભામાં મુખ્યમંત્રી ભુપેન્દ્રભાઇ પટેલે જણાવ્યું હતું કે, રાજકોટને રાજય સરકારે છેલ્લા બે વર્ષમાં ૯૬૯ કરોડ ફાળવ્યા છે. જેમાં આંતર માળખાકીય સુવિધાઓ માટે ૭૦૮ કરોડ, ફલાય ઓવર બ્રીજ માટે ૧૩૬ કરોડ અને શહેરી સડક યોજના માટે ૧૨૫ કરોડ મળી કુલ ૯૬૯ કરોડ ફાળવ્યા છે.
મુખ્યમંત્રીએ જણાવ્યું હતું કે, ઇઝ ઓફ લીવીંગ અને હેપ્પીનેસ ઇન્ડેકસ માટે સરકાર સતત ચિંતીત છે. શહેરીજનોનું જીવન સુખાકારી ભયુ બને તે માટે ગુજરાત સરકાર ગતિશીલ પ્રયાસો કરી રહી છે. ૨૦૪૭ સુધીમાં ગુજરાત રાજયની કુલ વસ્તીના ૭૦ ટકા વસ્તી શહેરોમાં વસતી હશે. આથી શહેરી વિકાસ ઉપર સરકાર પૂર્ણ પણે ધ્યાન કેન્દ્રિત કરી રહી છે. શહેરીકરણને આફત નહીં પરંતુ અવસરમાં પલટીને સરકાર કામ કરી રહી છે. એક સમય એવો હતો કે નગરપાલિકાઓ અને મહાનગરપાલિકાઓના વાર્ષિક બજેટ ફકત ૫થી ૨૫ લાખ સુધીના હતાં જયારે આજે રાજકોટમાં એક દિવસમાં ૭૯૩.૪૫ કરોડના કામોનું લોકાર્પણ અને ખાતમુહર્ત થયું છે. રાજકોટના વિકાસ માટે સરકાર તત્પર હોવાનું અને વિકાસ કામો માટે મોઢે માગી ગ્રાન્ટ આપી રહી હોવાનું જણાવતાની સાથે જ મુખ્યમંત્રીના આ ઉદગારોને ઉપસ્થિતિઓ તાળીઓના ગડગડાટથી વધાવી લીધા હતા