ખાખરા, પડધરી, કુવાડવા ખાતે થયેલી ચોરીનો પણ ભેદ ઉકેલી ૪ લાખનો મુદામાલ કબ્જે : એકની શોધખોળ
ધ્રોલ પંથકના ખાખરા વિસ્તારમાં તાજેતરમાં મંદિરોમાં તથા દુકાનમાં ચોરીના બનાવ બન્યા હતા જેનો ગણતરીમાં ધ્રોલ પોલીસે ભેદ ઉકેલી મુળ એમપીના સગીર સહિત ચાર શખ્સની ચાર લાખના મુદામાલ સાથે અટકાયત કરવામાં આવી છે. ધ્રોલ ઉપરાંત પડધરી અને કુવાડવાની ચોરીના ભેદ પણ ઉકેલાયા છે.
જીલ્લા પોલીસવડા પ્રેમસુખ ડેલુ, ગ્રામ્ય ડીવાયએસપી ડી.પી. વાઘેલા, ધ્રોલ સીપીઆઇ એમ.બી. ગજજરના માર્ગદર્શન હેઠળ ધ્રોલમાં થયેલી ચોરી અંગે તપાસ હાથ ધરવામાં આવી હતી, ગત તા. ૨૨ રાત્રીના ખાખરા ગામમાં આવેલ રામજી મંદિરમાંથી એલ્યુમીનીયમનો ઝુલો અને કાનુડાની મુર્તી, આશાપુરા માતાજીના મંદિરમાંથી ૩ સોનાના નાના છતર, ૩ ચાંદીના મુગટ, ૨૦ નાના છતર, નાગબાઇ માતાજીના મંદિરમાંથી જુના નાના મોટા ૨૦ ચાંદીના છતર, રોકડા ૧૫ હજારની ચોરી થઇ હતી.
ઉપરાંત ખાખેશ્ર્વર મહાદેવ મંદિરમાંથી ચાંદીનું છતર, શ્રી મચ્છો માતાજીના મંદિરમાંથી ૬ નાના ચાંદીના છતર અને આશાપુરા પાન કરીયાણા અને પંચરની દુકાનમાંથી પરચુરણ મળી કુલ ૮૫૮૦૦ની ચોરી થઇ હતી જે અંગે અલગ અલગ ટીમો બનાવી બાતમીદારોથી માહિતી મેળવી ધ્રોલના પીએસઆઇ પી.જી. પનારા અને સ્ટાફના ધર્મેન્દ્ર વઘોરાને સંયુકત બાતમી મળી હતી કે ચોરીના ગુનામાં સંડોવાયેલ ઇસમો આ તરફ આવ્યા છે.
જેના આધારે પોલીસે મુળ મઘ્યપ્રદેશના ધાર જીલ્લાના તડીયાફળીયુ અને હાલ લૈયારામાં રહેતા હરેશ સિંધાનીયા અલાવા, હાલ લૈયારા મુળ સકારીયાપુરા ગામના પ્રદિપ વેચીયા મહેડા, હાલ રાજકોટના માલીયાસણ ગામ વાડી અને મુળ ગનાવાફળીયુ જોબટ તાલુકાના બીલામ દરીયાસિંહ ગનાવા અને એક સગીરને પકડી લીધા હતા. પુછપરછમાં ધ્રોલની મંદિર તેમજ એ સિવાયની અન્ય ચાર ચોરીની કબુલાત આપી હતી. તેમજ આ ચોરીમાં હાલ અમરેલી કોલડા ગામ અને મુળ એમપીના બેયડા ગામના નંગરુસીંગ ઉર્ફે રાહુલ ઉર્ફે રવિ કમલસીંગ અજનારની સંડોવણી ખુલતા તેની શોધખોળ ચલાવવામાં આવી રહી છે.
પોલીસે ઉપરોકત ચારેય આરોપીઓને પકડી પાડી ૪.૦૧.૬૨૦નો મુદામાલ કબ્જે કર્યો છે, પુછપરછમાં પડધરીના ચણોલ ગામ, ફતેપર ગામમાં મંદિર ચોરી, અને રાજકોટના કુવાડવામાં મધરવાડા ગામ, જોધપુરમાં ચોરી કર્યાની કબુલાત કરતા આ ચોરીનો ચાંદીનો ઢાળીયો, નાના મોટા છતર કબ્જે લેવાયા છે, આરોપીઓ પાસેથી ઉપરોકત ગુનાનો મુદામાલ સિવાય કુલ ૯૨ છતર કી. ૫૫૯૦૦નો મુદામાલ સીઆરપીસી કલમ ૧૦૨ મુજબ કબ્જે લેવાયો છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમહિલા મૂવી જોતી રહી અને ડોકટરોએ કરી મગજની સર્જરી
September 20, 2024 12:50 PMસરકારના ૫૪૩ ભ્રષ્ટ્રાચારી અધિકારી અને કર્મચારીઓ સામે કાર્યવાહીની મંજૂરી બાકી
September 20, 2024 12:49 PMદુષ્કર્મની ફરિયાદ કરવા આવેલી આર્મી ઓફિસરની મંગેતરને મારપિટ કરી પોલીસે આપી રેપની ધમકી
September 20, 2024 12:44 PMત્રિલોકપુરીમાં મોટી દુર્ઘટના ટળી, રસ્તાની વચ્ચોવચ કાર સમાઈ જાય એવડો મોટો ખાડો પડ્યો
September 20, 2024 12:44 PMબાંટવાના બોગસ લૂંટ મામલે 1.92 કરોડનો મુદ્દામાલ સોની વેપારીને સુપરત
September 20, 2024 12:25 PMCopyright © 2023-2024 Aajkaal Daily
Developed by Rhythm Infotech