ત્રણ દિવસ પહેલા ઘરેથી નીકળેલા આધેડનો મૃતદેહ તેના જ કુવામાંથી મળી આવતા પોલીસ દોડી ગઈ હતી અને મૃતદેહને પીએમ માટે સિવિલ હોસ્પિટલમાં ખસેડવામાં આવ્યો હતો.
બનાવની પ્રા વિગત મુજબ કુવાડવા ગામે રહેતા રાણાભાઈ રત્નાભાઈ બહત્પકિયા (ઉ.વ.૪૫)ના આધેડનો મૃતદેહ આજે સવારે તેની જ વાડીના કુવામાંથી મળી આવતા પરિવારજનોએ કુવાડવા પોલીસને જાણ કરતા પોલીસ સ્થળ પર દોડી આવી હતી અને ફાયરની મદદથી મૃતદેહને બહાર કાઢી પીએમ માટે સિવિલ હોસ્પિટલમાં ખસેડી જરી કાર્યવાહી કરી હતી. મૃતક એક ભાઈ એક બહેનમાં મોટા હતા અને સંતાનમાં એક દીકરો અને દીકરી છે.
પરિવારજનોના કહેવા મુજબ આધેડ ગત.૨૨ના ઘરેથી નીકળી ગયા બાદ લાપતા બનતા પોલીસમાં પણ જાણ કરી હતી. સવારે વાડીના કુવામાં જોતા મૃતદેહ જોવા મળ્યો હતો. તેમને કેટલાક સમયથી માનસિક તકલીફ હતી અને તેની દવા પણ ચાલુ છે. આધેડે જાતે કુવામાં ઝંપલાવી આપઘાત કર્યેા છે કે અકસ્માતે પડી જતા મોત થયું છે એ દિશામાં પોલીસે તપાસ હાથ ધરી છે