ધોરાજી પોલીસે ૨૦૧૧માં ડિટેઈન કરેલા વાહનોની તપાસમાં હોન્ડા ડીલક્ષ બાઈક કોટડા સાંગાણીના હડમતાળાથી ચોરી થયું હોવાનું ખુલતા તેની તપાસમાં પોલીસે ધોરાજી ઉપરાંત ભુતવડના શખસોને ઝડપી લીધા છે. હકીકત મુજબ, ધોરાજી સીટી પોલીસ સ્ટેશને સને ૨૦૨૧ના વર્ષમાં ડીટેઈન થયેલ વાહનોની તપાસમાં હોન્ડા કંપનીનું સી.ડી.ડીલક્ષ-૧૦૦ હોય જેના આગળ પાછળ રજી નંબર લખેલ ન હોય જેથી તેના એન્જીન તથા ચેચીસ નંબર પોકેટ કોપમાં સર્ચ કરી તપાસ કરતા સદરહુ વાહન કોટડા સાંગાણીના હડમતાળા ગામમાંથી ચોરી થયેલ અને તે વિપુલભાઈ ધી‚ભાઈ સીરોયા (ઉ.વ.૩૮ રહે.ધોરાજી હીરપરાવાડી) પાસેથી ડીટેઈન કરવામાં આવેલ. જેથી ધોરાજી હીરપરા વાડીમાં રહેતા વિપુલભાઈ ધીરૂભાઈ સીરોયાની તપાસ કરવા જતા તે ત્યાં હાજર મળી આવેલ ન હોય જેથી ખાનગી રાહે હક્કિતના આધારે વિપુલભાઈ ધી‚ભાઈ સીરોયાને જૂના ઉપલેટા રોડ નળીયાન કોલોની પાસે ઝડપી લીધો હતો. તેની પુછપરછ કરતા આશરે બે વર્ષ પહેલા ભુતવડ ગામે રહેતા મિત્ર સિઘ્ધરાજસિંહ ચંદુભા વાઘેલા પાસેથી રૂ.૧૭,૦૦૦માં વેચાતું લીધેલનું જણાવતો હોય જેથી મજકુર બંને ઈસમો વિપુલભાઈ ધીરૂભાઈ સીરોયા અને સિઘ્ધરાજસિંહ ઉર્ફે અશ્ર્વિનસિંહ ચંદુભા વાઘેલાની ધરપકડ કરી ધોરણસરની કાર્યવાહી હાથધરી હતી.


આ કામગીરીમાં ધોરાજી સીટી પો.સ્ટે.ના પોલીસ ઈન્સ. એ.બી.ગોહિલ તથા પો.હેડ ક્રીપાલસિંહ જાડેજા તથા પો.હેડ.કોન્સ અશોકભાઈ ગોહેલ તથા પો.કોન્સ. સુરપાલસિંઅ જાડેજા તથા પો.કોન્સ.શક્તિસિંહ જાડેજા વગેરે પોલીસ સ્ટાફ સાથે રહી કામગીરી કરવામાં આવી રહી છે.