રઘુવંશી જ્ઞાતિના કોટેચા પરિવારના કુળદેવી પૂજ્ય શ્રી ભવાની માતાજી અને આરાધ્યા શ્રી રાંદલ માતાજીનો સંયુક્ત 19 મો શારદીય નવરાત્રી મહોત્સવ મહાયજ્ઞ આગામી સોમવાર તારીખ 23મી ના રોજ પોરબંદર નજીક બોખીરા નજીક આવેલા રજવાડી પાર્કમાં "કોટેચા કેવલધામ" ખાતે યોજવામાં આવ્યો છે.

નવમા નોરતે યોજવામાં આવેલા આ નવરાત્રી મહાયજ્ઞ મહોત્સવમાં સોમવારે સવારે 9:30 વાગ્યે યજ્ઞનો પ્રારંભ થશે. 11:30 વાગે સમૂહ હોમાત્મક વિધિ અને નિવેદ અન્નકૂટ યોજવામાં આવશે. યજ્ઞ પ્રસંગે સવારે 11 વાગ્યે ધ્વજારોહણ તેમજ બપોરે દોઢ વાગ્યે 351 દિવડાઓની આરતી સાથે બીડું હોમવામાં આવશે. આ ધર્મોત્સવમાં સહભાગી થવા સર્વે કોટેચા પરિવારજનોને આયોજકો દ્વારા અપીલ કરવામાં આવી છે.