રાજકોટ જિલ્લા જળ અને સ્વચ્છતા સમિતિની બેઠક જિલ્લા કલેક્ટર પ્રભવ જોશીના અધ્યક્ષસ્થાને યોજાઈ હતી. જેમાં જિલ્લાના ગ્રામીણ વિસ્તારોમાં વાસ્મો દ્વારા ચાલતા કામોની સમીક્ષા કરવામાં આવી હતી. 
    

આ બેઠકમાં જણાવાયું હતું કે, રાજકોટ જિલ્લાના ૧૧ તાલુકાના ૫૯૪ ગામોમાં પેયજળ પૂરું પાડવા માટે અત્યાર સુધીમાં કુલ ૬૨૮ યોજનાઓ મંજૂર કરાઈ છે. જેમાં સૌથી વધુ યોજના વર્ષ ૨૦૨૦-૨૧માં ૧૩૨ મંજૂર કરાઈ હતી.  જિલ્લાના ૫૯૪ ગામોમાં ૩,૧૦,૯૧૧ ઘરોમાં નળથી જળની કામગીરી પૂર્ણ કરવામાં આવી છે. જ્યારે ૫૯ યોજનાના કામો પ્રગતિ હેઠળ હોવાનું જણાવાયું હતું. 
    

જિલ્લા કલેક્ટર પ્રભવ જોશીએ બાકી કામોની સમીક્ષા કરીને, પ્રગતિ હેઠળની યોજનાઓ અને કામોને વહેલાસર પૂર્ણ કરવા સૂચના આપી હતી. ગત બેઠકની કાર્યવાહીમાં લેવાયેલી ૧૪ યોજનાઓને આ બેઠકમાં બહાલી આપવામાં આવી હતી.