અમેરિકાની સેલ્ફ–ડ્રાઈવિંગ ટેક કંપની ક્રુઝને દુબઈમાં ઓટોનોમસ વ્હીકલ્સની ટ્રાયલ માટે પરવાનગી આપવામાં આવી છે. રોડસ એન્ડ ટ્રાન્સપોર્ટ ઓથોરિટીએ જાહેરાત કરી હતી કે હવે ડ્રાઇવરલેસ ટેકસી દુબઈની શેરીઓમાં દોડી રહી છે. જોકે તે મુસાફરોની સેવા માટે નહીં પરીક્ષણનો ભાગ છે.ઓટોનોમસ ટેકસીઓ જો કે હજુ પણ ટ્રાયલના તબક્કામાં છે.એટલે કે કોઈ મુસાફરો માટે મંજૂરી નથી અને વાહનમાં ડ્રાઈવર હાજર રહેશે.


રોડસ એન્ડ ટ્રાન્સપોર્ટ ઓથોરિટી ભવિષ્યમાં દુબઈમાં ઓટોનોમસ ટેકસી અને ઈ–હેલિંગ સેવાઓનું સંચાલન કરવા માટે ક્રૂઝ સાથે ભાગીદારી કરાર ધરાવે છે. આ ટ્રાયલ સ્ટીયરીંગ વ્હીલ સમક્ષ હાજર ડ્રાઈવરની હાજરીની સલામતી સાથે કરવામાં આવ્યું છે અને ટેસ્ટ ટ્રેક પર વાહનોના અગાઉના પરીક્ષણોને અનુસરે છે. ટ્રાયલએ સ્વાયત્ત પરિવહનની ઓફર કરનાર મેના પ્રદેશમાં પ્રથમ બનવાની યોજનાનું આગલું પગલું છે.


ટીમ ક્રુઝ વાહન પરીક્ષણો અને પ્રદર્શનો દરમિયાન ખાસ કરીને દુબઈમાં જટિલ ટ્રાફિક પરિસ્થિતિઓમાં સ્વાયત્ત તકનીકના પ્રદર્શનનું મૂલ્યાંકન કરવાની યોજના ધરાવે છે.ક્રૂઝની ટેકનોલોજી વાહનોમાં ભૌતિક વાતાવરણનો ઉચ્ચ–રિઝોલ્યુશન નકશો બનાવવા માટે લિડર સેન્સર્સ અને કેમેરાનો ઉપયોગ કરે છે.ક્રૂઝ ફેબ્રુઆરીથી યુએસમાં ડ્રાઇવર વિનાની ટેકસી સેવાઓનું સંચાલન કરી રહી છે.રોડસ એન્ડ ટ્રાન્સપોર્ટ ઓથોરિટીની ટેકનિકલ ટીમે તાજેતરમાં સાન ફ્રાન્સિસ્કોની મુલાકાત લીધી હતી યાં ક્રૂઝ ૨૪–કલાક રોબો–ટેકસી સેવાઓનું સંચાલન કરે છે જેથી તે ટેકનોલોજીમાં તેનો વિશ્વાસ ચકાસવા અને તેની પુષ્ટ્રિ કરે છે.


આ પ્રયાસો ૨૦૩૦ સુધીમાં ૨૫ ટકા પ્રવાસોને સ્વાયત્ત બનાવવા માટે ના વાઇસ પ્રેસિડેન્ટ, વડા પ્રધાન અને દુબઈના શાસક શેખ મોહમ્મદ બિન રશીદ અલ મકતુમ દ્રારા નિર્ધારિત વિઝનને હાંસલ કરવા સાથે સુસંગત છે.ક્રુઝ ટેકસીમાં ત્રણ મુસાફરો બેસી શકે છે. આરટીએ સેલ્ફ ડ્રાઇવિંગ ટેકસીઓ માટે ભાડું નક્કી કરવાનું બાકી છે પરંતુ કંપનીએ સંકેત આપ્યો કે તે લિમો ટેકસીઓ સાથે તુલનાત્મક હશે જે સામાન્ય રીતે દુબઈમાં નિયમિત કેબ કરતાં ૩૦ ટકા વધુ હોય છે.

તેમણે ઉમેયુ કે આરટીએ આવતા વર્ષે જુમેરાહ વિસ્તારમાં વધુ સ્વાયત્ત ટેકસીઓ ઉમેરશે અને તેની સ્માર્ટ સેલ્ફ–ડ્રાઇવિંગ ટ્રાન્સપોર્ટ સ્ટ્રેટેજીના ભાગ પે ૨૦૩૦ સુધીમાં સમગ્ર દુબઈમાં ધીમે ધીમે લગભગ ૪,૦૦૦ ડ્રાઇવર વિનાની કેબ ગોઠવશે જેનો હેતુ સમગ્ર શહેરમાં ૨૦૩૦ સુધીમાં સ્માર્ટ અને ડ્રાઇવર વિનાની મુસાફરીમાં પાંતરિત કરવાનો છે.