દશેરા એ જ ઘોડુ નહીં દોડવાની કહેવતને વધુ એક વખત સાચી પાડવામાં આવી: પહેલા દિવસે ટેકાના ભાવે મગફળીની ખરીદી થઇ શકી નહીં

ગુજરાત સરકારે ખેડુતો પાસેથી તા.11થી ટેકાના ભાવે મગફળીની ખરીદી શ કરવાની જાહેરાત જોરશોરથી કરી હતી, પરંતુ ખરીદીના પહેલા જ દિવસે હાપા માર્કેટીંગ યાર્ડ સહિત 4 યાર્ડમાં સર્વર ડાઉન તેમજ 4 સેન્ટરોને કોડ ન મળતાં મગફળીની ખરીદી થઇ શકી ન હતી, જો કે બીજી તરફ યાર્ડમાં ગઇકાલે 80 હજાર મણ મગફળીની આવક થતાં યાર્ડ મગફળીથી છલોછલ ભરાઇ ગયું હતું.

જાણવા મળતી માહિતી મુજબ જામનગર જિલ્લામાં 29213 ખેડુતોએ રજીસ્ટ્રેશન કરાવ્યું છે, ત્યારે હાપા માર્કેટીંગ યાર્ડ, ધ્રોલ, જોડીયા, કાલાવડ અને જામજોધપુર તેમજ લાલપુર ખાતે મગફળી ખરીદવાના સેન્ટરો રાખવામાં આવ્યા છે ત્યારે ફકત ધ્રોલ અને જામજોધપુર ખાતે 300 મણ જેટલી મગફળીની ખરીદી કરવામાં આવી હતી જયારે અન્ય 4 સ્થળોએ ટેકાના ભાવે મગફળીની ખરીદી કોડ ન મળતાં શ થઇ શકી ન હતી.

યાર્ડના સેક્રેટરી હિતેશ પટેલના જણાવ્‌યા મુજબ એક-બે દિવસમાં સર્વર અને કોડનો પ્રોબ્લેમ દુર થઇ જતાં ટેકાના ભાવે મગફળીની ખરીદી શ કરી દેવામાં આવશે, ગઇકાલે જાડી મગફળીના ા.900 થી 1150 અને જીણી મગફળીના ા.1500 થી 2200 સુધીના ભાવો બોલાયા હતાં, 900 જેટલા વાહનોમાં મગફળી આવી હતી, જેના કારણે આખા યાર્ડમાં મગફળીનો ભરાવો થઇ ગયો હતો અને યાર્ડના સંચાલકો દ્વારા આઠ દિવસ સુધી ખેડુતોને યાર્ડમાં મગફળી ન લાવવા પણ જણાવવામાં આવ્યું હતું.