ટાટા સન્સના ચેરમેન અમિરિટસ રતન ટાટા મુંબઈની એક હોસ્પિટલમાં દાખલ છે. 86 વર્ષના ટાટાની તબિયત ગંભીર હોવાનું કહેવાય છે. રોયટર્સે સૂત્રોને ટાંકીને આ માહિતી આપી છે. ટાટાએ બે દિવસ પહેલા તેમના સ્વાસ્થ્ય અંગેની અફવાઓને ફગાવી દીધી હતી. સોમવારે ઘણા મીડિયા અહેવાલોમાં કહેવામાં આવ્યું હતું કે ટાટાને બ્રીચ કેન્ડી હોસ્પિટલમાં દાખલ કરવામાં આવ્યા છે.

તેમની બગડતી તબિયતના અહેવાલો પછી ટાટાએ એક નિવેદન બહાર પાડ્યું હતું કે તેમને વય-સંબંધિત બિમારીઓની સારવાર માટે હોસ્પિટલમાં દાખલ કરવામાં આવ્યા હતા. તેમણે કહ્યું હતું કે તેમના સ્વાસ્થ્ય વિશે ચિંતા કરવાની જરૂર નથી.

સોમવારે જાહેર કરાયેલા એક સત્તાવાર નિવેદનમાં ટાટાએ કહ્યું હતું કે, 'મારી ઉંમર અને સંબંધિત બીમારીઓને કારણે હું નિયમિત મેડિકલ ચેકઅપ કરાવું છું. ચિંતા કરવાની કોઈ વાત નથી. મારું મનોબળ ઊંચું છે. તેમણે જનતા અને મીડિયાને 'ખોટી માહિતી ફેલાવવા'થી બચવા વિનંતી કરી હતી.