રાખી સાવંત કોઈને કોઈ કારણોથી સોશિયલ મીડિયા પર ચર્ચામાં રહે છે. ત્યારે ફરીએક વાર રાખી સાવંત ચર્ચાનો વિષય બની છે. રાખી સાવંતે આદિલ ખાન સાથે લગ્નની તસવીરો શેર કરી છે, જેનાથી તેણે સોશિયલ મીડિયા પર ધૂમ મચાવી છે. લગ્નના સમાચારો વચ્ચે રાખી સાવંત અને આદિલ ખાન વચ્ચેના સંબંધોમાં તિરાડ જોવા મળી રહી છે. રાખી સાવંતે કહ્યું છે કે આદિલ ખાન તેની સાથે છેતરપિંડી કરી રહ્યો છે. તેની શરૂઆત ત્યારે થાય છે જ્યારે આદિલ ખાને રાખી સાવંત સાથેના તેના લગ્ન સ્વીકારવાનો ઇનકાર કર્યો હતો અને લગ્નના સમાચારને ખોટા ગણાવ્યા હતા. આ પછી રાખી સાવંત તૂટી ગઈ અને મીડિયા સાથે વાત કરતી વખતે ભાવુક થઈ ગઈ. રાખીએ જણાવ્યું કે તેને આદિલના ફોનમાં કંઈક આવું જ મળ્યું. જે અંગે હું સમય આવશે ત્યારે ખુલાસો કરીશ, અત્યારે આ પુરાવા મારા ફોનમાં જ છે.

આદિલ ખાન રાખી સાવંત સાથે છેતરપિંડી કરી રહ્યો છે?

આદિલ ખાન વિશે વાત કરતાં, રાખી સાવંતે E-Times ને કહ્યું, 'મને તેના ફોનમાં ઘણું બધું મળ્યું છે, જેના વિશે હું અત્યારે જણાવવા માંગતી નથી, જોકે સમય આવશે ત્યારે હું ચોક્કસપણે પત્તા ખોલીશ, મને આ પુરાવા મળ્યા છે જે  મારા ફોનમાં પણ છે. જ્યારે રાખીને પૂછવામાં આવ્યું કે શું આદિલ ચીટ કરી રહ્યો છે, તો અભિનેત્રીએ કહ્યું, 'હું અત્યારે આ અંગે કંઈ કહેવા માંગતી નથી'.

​​​​​​​શા માટે આદિલ ખાન લગ્ન કરવાની ના પાડી રહ્યો છે?

મીડિયા સાથે વાત કરતા રાખી સાવંતે કહ્યું, 'મને સમજાતું નથી કે આદિલ હવે આ લગ્નને કેમ ના પાડી રહ્યો છે, કદાચ તે તેના માતા-પિતાથી ડરી ગયો છે.' રાખી સાવંતે આગળ કહ્યું, 'તેણે મને મનાઈ કરી હતી કે હું તેના લગ્ન વિશે કોઈને ન જણાવું, તેનું કારણ તેની બહેનના લગ્ન હતા. હવે બિગ બોસ મરાઠી સીઝન 4 માં પ્રવેશ્યા પછી, વસ્તુઓ ઘણી બદલાઈ ગઈ હતી, જેની સાથે હવે મેં મારા લગ્નને જાહેર કરવાનું નક્કી કર્યું છે. હવે મને ડર લાગે છે કે જો તે મને પ્રેમ કરે છે તો લગ્ન કરવાની કેમ ના પાડી રહ્યો છે.