શહેરના યુનિવર્સિટી રોડ પર કિડની હોસ્પિટલ પાછળ ખુલ્લ ા મેદાનમાં ભરબપોરે પોણા બે વાગ્યાના અરસામાં જાહેરમાં જામેલી વિદેશી મદિરાની મહેફીલ પર યુનિવર્સિટી પોલીસે છાપો મારી પીધેલા છ શખસોને ગ્લાસ, બાઈટિંગ તથા દારૂની બોટલ સાથે પકડી પાડયા હતા.

જાહેરમાં પીલે પીલે ઓ મેરે રાજા ચાલતું હોવાની બાતમી આધારે પપ્રએસઆઈ બી.આર.ભરવાડ સહિતનો સ્ટાફ પહોંચ્યો હતો. દિન દહાડે ભર બપોરે પોલીસની કોઈ ઈત કે ડર જ ન હોય એ રીતે ગ્લાસમાં જામ પર જામ ચૂસ્કી લાગી રહી હતી. પોલીસે પ્રફત્પલ કનુભાઈ પરમાર ઉ.વ.૪૩ રહે.મિલાપનગર–૨ બ્લોક નં.૬ યુનિવર્સિટી રોડ સાથે પીવા બેઠેલા ધરમનગર આવાસમાં રહેતા રોનક નિલેષભાઈ સેજપાલ કટારિયા ચોકડી પાસે હાઉસિંગ બોર્ડ કવાર્ટરમાં રહેતા સ્વપ્નીલ ભાવેશ નિમાવતને પકડી લીધા હતા. આ ઉપરાંત મહેફીલમાં મદિરાની મોજ લેતાં મુંજકા ભનુનગરના રમેશ પ્રેમજી લીંબડ ઉ.વ.૪૨, યુનિવર્સિટી રોના અજંતા પાર્ક બ્લોક નં.૨૭માં રહેતા મંથન મનોહરભાઈ સોનગર ઉ.વ.૩૫, પંચાયત ચોક પાસે મિલાપનગરમાં રહેતા મિત રાજેશભાઈ વ્યાસ ઉ.વ.૨૮ને પકડી પાડયા હતા. છએ શખસોએ મળી પીવાનું પ્લાનિંગ કર્યુ હતું. દારૂની એક પેક બોટલ એક ખાલી બોટલ, છ ગ્લાસ તથા બાઈટિંગમાં લવાયેલું ચવાણુ પોલીસે કબજે કર્યુ હતું.