લોકસભા ચૂંટણીના છઠ્ઠા તબક્કામાં દિલ્હીની સાત સીટો પર મતદાન ચાલી રહ્યું છે. આ વખતે 13637 મતદાન મથકો પર 1.52 કરોડ લોકો 162 ઉમેદવારોના ભાવિનો નિર્ણય કરશે. કોંગ્રેસ મહાસચિવ પ્રિયંકા ગાંધી વાડ્રાના પુત્ર રેહાન રાજીવ વાડ્રા અને પુત્રી મિરાયા વાડ્રાએ દિલ્હીના એક મતદાન મથક પર મતદાન કર્યું. સાથે જ સોનિયા ગાંધી અને રાહુલ ગાંધીએ પણ મતદાન કર્યું હતું.

રેહાન રાજીવ વાડ્રા અને પુત્રી મિરાયા વાડ્રા લોધી એસ્ટેટ સ્થિત અટલ આઈડીયલ સ્કૂલ પહોંચ્યા હતા. મીરાયા પ્રથમ વખત મતદાર છે. વોટ આપ્યા બાદ મીરાયા વાડ્રાએ કહ્યું કે યુવાનોને મારો સંદેશ છે કે તમે ઘરની બહાર આવો અને મતદાન કરો. બદલાવ લાવવાની આપણી ફરજ છે. તેથી  ઘરની બહાર આવીને મત આપવો જોઈએ.