ઇઝરાયેલ અને હમાસ વચ્ચે છેલ્લા પાંચ દિવસથી યુદ્ધ ચાલી રહ્યું છે. આવી સ્થિતિમાં ભારત સરકારે યુદ્ધગ્રસ્ત ઈઝરાયેલમાં ફસાયેલા ભારતીયોને પરત લાવવા માટે ઓપરેશન અજય શરૂ કર્યું છે. 

વિદેશ મંત્રી ડૉ.એસ.જયશંકરે કહ્યું કે ઇઝરાયેલમાં ફસાયેલા ભારતીયોને પરત લાવવા માટે વિશેષ ચાર્ટર ફ્લાઇટ્સ અને અન્ય જરૂરી વ્યવસ્થા કરવામાં આવી રહી છે. મુંબઈમાં ઈઝરાયેલના કોન્સ્યુલ જનરલ કોબી શોશાનીનું કહેવું છે કે ઈઝરાયેલમાં 20 હજારથી વધુ ભારતીયો રહે છે. જોકે, તેમનું કહેવું છે કે તેઓ ઇઝરાયેલમાં ફસાયેલા ભારતીયોના ચોક્કસ આંકડાઓ જાણતા નથી.

કેરળના મુખ્યમંત્રી પિનરાઈ વિજયને મંગળવારે જયશંકરને પત્ર લખીને જણાવ્યું હતું કે રાજ્યના લગભગ 7000 લોકો ઈઝરાયેલમાં ફસાયેલા છે. વિજયને આ વિદ્યાર્થીઓની સુરક્ષા સુનિશ્ચિત કરવા માટે મંત્રાલયના હસ્તક્ષેપની માંગ કરી હતી.