રાજ્યમાં હવે જે લોકો ભાડે ઘર રાખીને રહી રહ્યાં છે તે લોકો અને મકાન માલિકોએ સચેત થવાની જરૂર છે. આજથી 27 ઓકટોબર સુધી ભાડુઆતોને લઈ ગુજરાત પોલીસ સ્પેશિયલ ડ્રાઇવ યોજી રહી છે. ડ્રાઇવનું નામ ભાડુઆત રજિસ્ટ્રેશન ડ્રાઇવ છે. જે લોકોએ મકાન ભાડે રાખ્યું છે તે ભાડુઆત અને જે મકાન માલિક છે તેણે પોલીસ સ્ટેશનમાં ઓનલાઈન ભાડા કરાર નહીં બતાવ્યો હોય અને નહી કર્યો હોય તો પોલીસ તમારી સામે કાર્યવાહી કરશે.

રાજ્યભરમાં તા.૧૩ થી ૨૭ ઓકટોબર ૨૦૨૪ દરમિયાન ભાડૂઆત નોંધણી અંગેની ખાસ ડ્રાઈવ યોજવામાં આવશે.

ભાડૂઆત અંગે પોલીસ સ્ટેશન ખાતે નોંધણી કરાવવી ફરજિયાત છે, જે ગુજરાત સિટીઝન ફર્સ્ટ એપ મારફતે ઘરે બેઠાં સરળતાથી ઓનલાઈન કરી શકાય છે.

— Gujarat Police (@GujaratPolice) October 13, 2024

પોલીસ સ્ટેશનમાં ભાડુઆત અંગે ફરજિયાત નોંધણી

ગુજરાતમાં જે પણ લોકો ભાડાના મકાન પર રહી રહ્યા છે તે લોકો અને મકાન માલિકો આળસના કારણે પોલીસ સ્ટેશનમાં ભાડા કરાર તેમજ ઓનલાઈન રજીસ્ટ્રેશન કરાવતા નથી. અને જ્યારે ભાડુઆત અને મકાન માલિક વચ્ચે મગજમારી થાય છે ત્યારે ઘર ખાલી કરાવવા માટે પોલીસનો સહારો લેવો પડે છે. આવી ઘટનાઓ બને નહીં તેને લઈ સ્પેશિયલ ડ્રાઈવનું આયોજન કરવામાં આવશે. ગુજરાત સિટીઝન ફર્સ્ટ એપ મારફતે નોંધણી કરી શકાશે અને ઘરે બેઠાં સરળતાથી ઓનલાઇન નોંધણી કરી શકાશે. ગુજરાત પોલીસે આ વાતની માહિતી ટ્વીટ કરીને આપી છે.