કેન્દ્ર સરકાર પેટ્રોલ અને ડીઝલને GSTના દાયરામાં લાવવા પર વિચાર કરી રહી છે. જો આવું થાય તો પેટ્રોલ અને ડીઝલના ભાવમાં લગભગ 20 રૂપિયાનો ઘટાડો થઈ શકે છે. GSTમાં પેટ્રોલિયમ ઉત્પાદનોનો સમાવેશ કરવાથી માત્ર ઓઇલ કંપનીઓને ઇનપુટ્સ પર ચૂકવવામાં આવતા ટેક્સને ઘટાડવામાં મદદ મળશે નહીં, પરંતુ સમગ્ર દેશમાં ઇંધણ પરના ટેક્સમાં એકરૂપતા પણ આવશે. આનો અર્થ એ છે કે પેટ્રોલ અને ડીઝલ સમગ્ર દેશમાં લગભગ સમાન કિંમતે ઉપલબ્ધ થશે.
હકીકતમાં GST કાઉન્સિલની 53મી બેઠકમાં નાણામંત્રી નિર્મલા સીતારમણે કહ્યું કે, કેન્દ્ર સરકાર પેટ્રોલ અને ડીઝલને GSTના દાયરામાં લાવવા માટે તૈયાર છે. હવે રાજ્યોએ આ અંગે નિર્ણય લેવાનો છે અને સાથે મળીને તેના દર નક્કી કરવાના છે. જો GSTના દર પર સહમતિ થાય અને પેટ્રોલિયમ ઉત્પાદનો પર મહત્તમ 28 ટકા ટેક્સ લાદવામાં આવે તો પણ સામાન્ય લોકોને પેટ્રોલ પર 19.71 રૂપિયા પ્રતિ લિટર અને ડીઝલ પર 12.83 રૂપિયા પ્રતિ લિટરની રાહત મળશે. જો કે, આની અસર સરકારોને ટેક્સના સ્વરૂપમાં થતી આવક પર પડી શકે છે.
દિલ્હીમાં પેટ્રોલ 94.72 રૂપિયા પ્રતિ લિટર વેચાઈ રહ્યું છે, જ્યારે ડીઝલની કિંમત 87.62 રૂપિયા પ્રતિ લિટર છે. આ આધાર પર GST લાગુ થયા બાદ દિલ્હીમાં પેટ્રોલની કિંમત 75.01 રૂપિયા અને ડીઝલની કિંમત 74.79 રૂપિયા પ્રતિ લીટર થઈ જશે.
GST કરદાતાઓ પાસે હવે માસિક અથવા ત્રિમાસિક કરની ચૂકવણી પહેલાં GSTR-1 ફોર્મમાં આઉટવર્ડ સપ્લાય અથવા સેલ્સ રિટર્નમાં સુધારો કરવાનો વિકલ્પ હશે. જો કે, સંબંધિત ટેક્સ સમયગાળા માટે GSTR-3B માં રિટર્ન ફાઇલ કરતા પહેલા GSTR-1A ફાઇલ કરવું પડશે. 53મી બેઠકમાં, GST કાઉન્સિલે ફોર્મ GSTR-1A દ્વારા નવી વૈકલ્પિક સુવિધાની ભલામણ કરી હતી જેથી કરદાતાઓને વિગતોમાં ફેરફાર કરી શકાય અને ટેક્સ સમયગાળા માટે ફોર્મ GSTR-1માં વધારાની માહિતી ઉમેરવામાં આવે. આ પગલું બિઝનેસ કરવાનું સરળ બનાવશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationનાસ્તો મોડેથી ન કરવો જોઈએ, 90% લોકો નાસ્તો કરવાનો ગોલ્ડન રૂલ નથી જાણતા!
July 02, 2024 01:02 PMજામનગરમાં રંગૂનવાલા હોસ્પિટલ પાસે રાત્રીના સમયે મહાકાય લીમડાનું વૃક્ષ ધરાશાય
July 02, 2024 12:44 PMચાણક્ય નીતિ અનુસાર આ આદતો બનાવે છે વ્યક્તિને ધનવાન
July 02, 2024 12:24 PMCopyright © 2023-2024 Aajkaal Daily
Developed by Rhythm Infotech