ભાવનગર શહેરના નિર્મળ નગર શેરી નંબર 10માં લોકોએ ચૂંટણીનો બહિષ્કાર કરવાની ચીમકી ઉચ્ચારી છે. છેલ્લા ઘણા વર્ષોથી પડતર પ્રશ્નો અંગે વારંવાર રજૂઆત કરવા છતાં કોઈપણ નિરાકરણ કરવામાં આવતું નથી. અને કામ કરવામાં આવે તો પણ અધૂરું કામ કરવામાં આવે છે. જેને લઇને લોકોને ભારે હાલાકીનો સામનો કરવો પડી રહ્યો છે. જેથી લોકોએ આ વખતે ચૂંટણીનો બહિષ્કાર કરવાનું નક્કી કર્યું છે. તેઓએ એવી ચીમકી ઉચ્ચારીછે કે જો યોગ્ય સમયમાં કામ પૂરું નહીં કરવામાં આવે તો આ વખતે ચૂંટણીનો બહિષ્કાર કરવામાં આવશે. જેમાં ડ્રેનેજની લાઈન સાથે પાણીની લાઈન મિક્સ જવાથી રોગચાળાનો ભય ફેલાયો છે. તેમજ આ ઉપરાંત રોડનું અધૂરું કામ, એક સાઇડ બ્લોક નાખવામાં આવે અને બીજી સ્લાઇડ બ્લોક નાખવામાં આવતા નથી. આ ઉપરાંત કચરા લેવાની પણ સુવિધા કરી આપવામાં આવતી નહી. લોકો પોતાના ખર્ચે ટ્રેક્ટર બોલાવી કચરો ભેગો કરાવી અને સાફ સફાઈ કરાવે છે. જેને લઈને લોકોમાં રોષ ફેલાયો છે. ત્યારે આ લોકસભાની ચૂંટણીમાં લોકોએ મતદાન નહી કરી અને ચૂંટણીનો બહિષ્કાર કરવાનું નક્કી કરી ચીમકી ઉચ્ચારી હતી.