પેરિસમાં ઓલિમ્પિક્સ બાદ હવે પેરાલિમ્પિક્સ શરૂ થઈ રહી છે. પેરાલિમ્પિક ગેમ્સ આજથી (28 ઓગસ્ટ)થી શરૂ થશે. આ ગેમ્સ 8મી સપ્ટેમ્બર સુધી રમાશે. આ વખતે પેરાલિમ્પિક્સમાં વિશ્વભરમાંથી 4,400 એથ્લેટ ભાગ લેશે, જેમાંથી 84 ભારતીય હશે. ભારતીય ખેલાડીઓ 12 રમતોમાં ભાગ લેશે. એકંદરે, પેરિસ પેરાલિમ્પિક્સમાં 22 રમતોનો સમાવેશ કરવામાં આવ્યો છે. 

પેરાલિમ્પિક્સનો ઉદ્ઘાટન સમારોહ 28 ઓગસ્ટે એટલે કે આજે યોજાશે. ભારતીય સમય અનુસાર, ઉદઘાટન સમારોહ રાત્રે 11:30 વાગ્યે શરૂ થશે. ઉદ્ઘાટન સમારોહ પ્લેસ ડે લા કોનકોર્ડ અને ચેમ્પ્સ-એલિસીસ ખાતે યોજાશે. નોંધનીય બાબત એ છે કે 28મી ઓગસ્ટે માત્ર ઓપનિંગ સેરેમની જ જોવા મળશે, જ્યારે ભારતીય એથ્લેટ્સ 29મી ઓગસ્ટથી (ભારતીય સમય મુજબ) એક્શનમાં જોવા મળશે. પેરાલિમ્પિક્સ એ વિકલાંગ એથ્લેટ્સ માટે વિશ્વ સમક્ષ તેમની પ્રતિભા દર્શાવવાનું સૌથી મોટું પ્લેટફોર્મ છે.

આ 12 રમતોમાં ભારતીય ખેલાડીઓ ભાગ લેશે

કુલ 84 ભારતીય રમતવીરો પેરા તીરંદાજી, પેરા એથ્લેટિક્સ, પેરા બેડમિન્ટન, પેરા કેનો, પેરા સાયકલિંગ, પેરા જુડો, પેરા પાવરલિફ્ટિંગ, પેરા રોઈંગ, પેરા શૂટિંગ, પેરા સ્વિમિંગ, પેરા ટેબલ ટેનિસ અને પેરા તાઈકાંડો સહિત કુલ 12 રમતોમાં ભા

ગ લેશે.