કુવૈતે પ્રધાનમંત્રી નરેન્દ્ર મોદીને દેશના સર્વોચ્ચ સન્માન 'ધ ઓર્ડર ઓફ મુબારક અલ કબીર'થી સન્માનિત કર્યા છે. આ સન્માન કુવૈતના નાઈટહુડ સમાન છે અને મુખ્યત્વે રાજ્યના વડાઓ તથા વિદેશી શાહી પરિવારોના સભ્યોને મિત્રતાના પ્રતીકરૂપે આપવામાં આવે છે. આ સાથે પીએમ મોદી વિશ્વના તે મોખરાના નેતાઓમાં સામેલ થઈ ગયા છે જેમણે આ પ્રકારનું અત્યંત પ્રતિષ્ઠિત સન્માન પ્રાપ્ત કર્યું છે.

વિશ્વભરમાં પીએમ મોદીની લોકપ્રિયતા
આ સન્માન પીએમ મોદીને મળતું 20મું આંતરરાષ્ટ્રીય સન્માન છે, જે તેમના વૈશ્વિક પ્રભાવ અને નેતૃત્વ માટેની માન્યતા દર્શાવે છે. પહેલા પણ આ ઓર્ડર એવા પ્રતિષ્ઠિત નેતાઓને આપવામાં આવ્યું છે જેમકે અમેરિકાના પૂર્વ રાષ્ટ્રપ્રમુખ બિલ ક્લિન્ટન, પ્રિન્સ ચાર્લ્સ અને જ્યોર્જ બુશ.

43 વર્ષ બાદ ભારતીય વડાપ્રધાનનો પ્રવાસ
પ્રધાનમંત્રી મોદીએ 43 વર્ષ પછી ખાડી દેશની મુલાકાત લીધી છે. પીએમ મોદી 1981 પછી કુવૈતની મુલાકાત લેતા પ્રથમ ભારતીય વડાપ્રધાન બન્યા છે. તેમની આ મુલાકાત ભારત અને કુવૈત વચ્ચે દ્વિપક્ષીય સંબંધોને વધુ મજબૂત કરવા માટે મહત્વપૂર્ણ માની શકાય છે.