અમદાવાદની ખ્યાતિ હોસ્પિટલમાં PMJAY યોજના હેઠળ થયેલા કૌભાંડ બાદ રાજ્ય સરકાર એલર્ટ થઈ ગઈ છે. આ ઘટના બાદ સરકારે યોજનામાં વધુ પારદર્શિતા અને જવાબદારી લાવવા માટે નવી સંચાલન પ્રક્રિયા (Standard Operating Procedure - SOP) ઘડવાનું નક્કી કર્યું છે.

આવતીકાલે તારીખ 23 ડિસેમ્બરે સવારે 11 વાગે આરોગ્ય મંત્રી આ નવી SOP જાહેર કરશે. આ SOPમાં યોજના હેઠળની હોસ્પિટલો અને સંસ્થાઓ માટે નવા નિયમો અને માર્ગદર્શિકાનો સમાવેશ થશે. આ નવા નિયમોથી યોજનાનો દુરુપયોગ થતો અટકાવવામાં આવશે અને લાભાર્થીઓને વધુ સારી સુવિધાઓ મળશે.

અમદાવાદની ખ્યાતિ હોસ્પિટલમાં થયેલા કૌભાંડમાં લાખો રૂપિયાનું ગેરકાયદેસર વ્યવહાર થયા હોવાનું સામે આવ્યું હતું. આ ઘટનાએ સમગ્ર રાજ્યમાં ચકચાર મચાવી દીધી હતી અને સરકારને યોજનાની કામગીરી પર પુનર્વિચાર કરવા માટે મજબૂર કરી દીધી હતી.