સપ્લાયર પુત્રનું નામ ખુલતાં ફરાર જાહેર કરાયો : ૧૭૩ બોટલ જપ્ત

લાલપુરના આરબલુસ પ્લોટ વિસ્તારમાં એક મકાનમાં દરોડો પાડી અંગ્રેજી દારુની ૧૭૩ બોટલ કબ્જે લઇ એકની અટકાયત કરી હતી, જયારે એક શખ્સ નાશી છુટયો હતો.
લાલપુર તાલુકાના આરબલુસ ગામમાં પ્લોટ વિસ્તારમાં રહેતા જેઠા ખેતાભાઇ પરમારના રહેણાંક મકાનમાં ઈંગ્લીશ દારૂની બાટલીનો જથ્થો ઉતારવામાં આવ્યો છે, તેવી બાતમીના આધારે લાલપુર પોલીસે દરોડો પાડ્યો હતો.
 જે દરોડા દરમિયાન રુા. ૮૬,૫૦૦ની કિંમતનો ઇંગ્લિશ દારુની કુલ ૧૭૩ બોટલો કબ્જે કરી લઇ દારૂના ધંધાર્થી જેઠા ખેતા પરમારની અટકાયત  કરી લેવામાં આવી છે, જયારે આ દારુનો જથ્થો તેનો જ પુત્ર ભાવેશ જેઠાભાઈ પરમાર કે જે હાલ ભાગી છૂટ્યો હોવાથી પોલીસ તેને શોધી રહી છે. બંનેની સામે પ્રોહી એકટ મુજબ ફરીયાદ દાખલ કરવામાં આવી રહી છે.